ATÜNNAK 10:19 - Cho Bible Common Language 2016

¹⁹ Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

ATÜNNAK 10:19 Referans Kwoze

ATÜNNAK 14:2

Ghangpughang hma ah kyak ciah Sodom ah kaa Bera, Komorrah ah kaa Birsha, Admah ah kaa Shinab, Zeboiim ah kaa Shemeber la Bela (Zoar ah phi ami pyen) ni gui awn ng’tuk ci gui.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

SUKI GUI 16:1

Hnüüp ät ung Samson cu Philistin mang gaw Kaza ah hteit ci, acu ah pawnzau ciah hnumi awn ng’hmu ni ne a täng ah ip ci goi.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

ATÜNNAK 20:1

Abraham cu Mamre ungka naw Kanaan khaw a htumtäng Kadesh la Shurah ah ng’lak ung hteit ne om ci. Ani cu Kera gawnu ah a om tu yah ung,

ATÜNNAK 18:20

Bawipa naw Abraham am, “Sodom la Komorrah ung ami kyah m’lau nak cu däm aih ne, ami cheishoh nak da aih sei,

LAMKTU 8:26

Khanpughi ah khankho chang naw Philip am, “Ng’düi law neh Jerusalem ung ka naw Kaza ah hteh nak lam, htum lam ah hteit ä” cine pyen nak ci. (Cun ah lam ung tuhbäi a u kä hteit ba ci.)

ATÜNNAK 10:18

Avadit gui, Zemarit gui, la Hamathit gui ah kyak ci. Cun kawn ah Kanaan pa ng’pai gui cu püi ne om ci gui.

ATÜNNAK 10:20

Shin gui cu Ham ah htangshon gui ah kyak ci. Ngami cu ami pakhui phäh phäh ah ami khaw hnga hnga ung om u ne, ami ng’thu phi om phäh phäh ci.

ATÜNNAK 14:3

Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci.

JOSHUA 19:28

Ebron, Rehob, Hammon la Kanah, Sidon güt ung gawk ci.

2 SHONTÄP NAK 14:13

Asa la a gakap gui naw Kerar ah khüt ne gawt ne k’täm gui ci gui. Ethiopian gui akda ngawn gui ci gui. Ami gakap gui cu tu tuba gui khai ah kä ng’bum ba hlawt ci gui. Bawipa la a gakap gui naw ngami cu ami huham awn küm gui u ne, ami khawh cham phi akda gut gui ci gui.

ISAIAH 23:4

Sidon mang gaw, nang cu na thangshe pyi ci nei! Tuinu la däm ciah tuinu naw nang cu ning nawng neta, a pyen cu, “Kei ung a i yah ung phi hta hmaw gui kä om man ci. Kei a i yah ung phi htapami htahnumi ah kä ka hta man ci.”

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

EZEKIEL 28:21

Kei, uktu Bawipa naw ngami ah mawng ka pyen cu a cu ah chang gui am m’thein gui ä: kei cu nang ah na ga nei, Sidon: nang mi ah khan ah kei naw ka bi ah phäh ah chang gui naw kei cu na m’hlüngtai khai gui nei. Kei naw nangmi ung om ciah chang gui m’kyuk gui ne, kei a i hlawk ah ka theingcim cu ka m’dang law ung, ngami naw kei cu Bawipa ah na hmat khai gui nei.

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

SUKI GUI 6:4

Ngami cu ami khaw ung phung tu ne om u ne, ami geitkaw gui cu a htumtäng Kaza gawnu ah khüt ne m’di ci gui. Ngami naw htawme gui, seipat gui, ng’sela gui avan lak ci gui, Israel gui ah phäh ah ami ghin nak vai a i kä k’pawih ci.

1 SAMUEL 13:18

a hei ng’pai cu Beth Horan täng ah hteit ci, a hei ng’pai ät cu Zeboim kho nawi la bungpuk khogi lam dam ne hteit ci gui.

2 SHONTÄP NAK 14:12

Asa la Judean gakap gui naw ami tuk law gui yah ung Ethiopian gakap gui cu Bawipa naw tuh hnim gui ci. Ngami cu dawng ci gui.

JOB 38:20

Ngami a i güt ung ami hteh hning la a i cha ami ng’hlah law ba cu na m’dang hning ne ang?

ISAIAH 23:11

Bawipa naw tuinu ah khan ah a kut shäng ne, uknak kho gui cu shet sak ci nei. Ani naw Phoenician sumlei hmun gui m’di vai ng’thu k’bäi pyi ci nei.