ATÜNNAK 10:15 - Cho Bible Common Language 2016

¹⁵ Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

ATÜNNAK 10:15 Referans Kwoze

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

1 SHONTÄP NAK 1:13

Kanaan ah hta gui cu — Sidon, angvai pikbäih la Heth-gui cu ami ming m’küi ciah chang gui ah pupa gui ah kya lawk ci gui.

ATÜNNAK 23:3

Ani naw ak chu ah sih nak ah hmun cu nawng shüt ne, Hittit chang gui ah hteit neta,

ISAIAH 23:4

Sidon mang gaw, nang cu na thangshe pyi ci nei! Tuinu la däm ciah tuinu naw nang cu ning nawng neta, a pyen cu, “Kei ung a i yah ung phi hta hmaw gui kä om man ci. Kei a i yah ung phi htapami htahnumi ah kä ka hta man ci.”

2 SAMUEL 11:3

Cun ah kyasei chang tüi ne, cun ah hnumi cu a u ah a kyak ah ng’shi sak gui ci, ani cu Bathsheba, Eliam ah hta, Hittit chang Uriah ah chu ah kyak ciah hmat ci.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

JEREMIAH 47:4

Philistia m’di nak vai ah akhin gawk lawk ci, Tire la sidon ah ka lawk ciah om ba ciah bawm nak avan cu m’chün pit ci gui nei. Kei, Bawipa naw Philistia gui cu ka m’di khai nei, ngami ami van cu Krete tui kem ung ka lawk ci gui nei.

EZEKIEL 28:21

Kei, uktu Bawipa naw ngami ah mawng ka pyen cu a cu ah chang gui am m’thein gui ä: kei cu nang ah na ga nei, Sidon: nang mi ah khan ah kei naw ka bi ah phäh ah chang gui naw kei cu na m’hlüngtai khai gui nei. Kei naw nangmi ung om ciah chang gui m’kyuk gui ne, kei a i hlawk ah ka theingcim cu ka m’dang law ung, ngami naw kei cu Bawipa ah na hmat khai gui nei.

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

2 SAMUEL 24:6

Hittit khaw Gilead la Kadesh ah phi hteit ci gui. Cun ungka naw Dan ah hteit u ne, Dan ungka naw akhei lam Sidon ah hteit ci gui.

EZEKIEL 27:8

Nang ah hlaw k’plei kawt ci gui cu Sidon la Arvad mang gaw gui ah ka ah kyak ci gui. Na mät ah bilo thei ciah gui cu hlei hlaw ci gui ah kyak ci.