ATÜNNAK 10:11 - Cho Bible Common Language 2016

¹¹ Cun ungka naw Assiria khaw ah hteit ne, Nineveh, Rehoboth Ira, Kalah la Resen mang gaw gui cu sa ba ci.

ATÜNNAK 10:11 Referans Kwoze

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

NAHUM 1:1

Shin cu Nineveh ah mawng ng’thu m’khäh, Elkosh ah ka Nahum naw a hmuh ah muimang m’cut gui ah kyak ci.

JONAH 1:2

Ani naw, “Nineveh mang gaw nu ah hteit ne hnungtuk ne ng’thu na pyen vai nei. Cun ah gaw ung chang gui a i hlawk ah ami shetkat cu kei naw ka hmat ci nei” cik ci.

SAM 83:8

Assiria gui cun phi Lota ah hta ng’shon gui kyak ciah Ammonit la Moabites ni lam ah ami k’tha adäm vai ah ng’dawn tuk ci gui.

ZEPHANIAH 2:13

Bawipa naw a huham cu mang ne Assiria cu m’di khai. Ani naw Nineveh mang gaw phi khaw she ne tui maih khai ah cik khai.

NAHUM 3:7

Ning hmuk ci gui phung Ng’thüng ne ng’hlat khai gui. Ngami naw Nineveh cu “Di ne ng’yän pyi ci nei” Cik khai gui. Ani m’gein khai a u om khai ang? Ani m’htei khai a u om khai ang?

NAHUM 2:8

Tui büi nak hlawng ne ng’gäi sei, tui ang güüt ah Mäih ah, Nineveh chang gui lam ng’gut ne dawng ci gui! “Ng’düi vä! ng’düi vä! cine kyap m’lau sei phi, A u kä va ng’hlat ba ci.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

EZEKIEL 32:22

Assiria cu shin ung a gakap gui ah ng’phuh hmun gui naw avan ung koi gui sei om ci gui nei. Ngami ami van cu ng’tuk nak ung ngawn gui ci gui,

EZEKIEL 27:23

Haran, Kanneh la Eden mang gaw gui, Sheba sumlei chang gui Asshur la Chilmad mang gaw gui — ami van cu nang awn sumlei ci gui.

ISAIAH 37:37

Cun ung Assirian ghangpughang Sennachezib cu a hwai m’hlat ne ng’hlat ba ne Nineveh ah hteit ba ci.

EZRA 4:2

Cun ah kyasei ngami naw Zerubabel la pahta gui ung aming’vai gui cu hteit ne hmu gui u neta, “Taigüim cawh nak ung kami co tuk khai nei, nangmi ah khawihnah ah Khanpughi bä keimi phi kami khawihnah ci nei. Assiria ghangpughang Esarhaddon naw shin ung om vai ah ana tüih law gui ge ung ani am keimi naw khawihnah nak akami douthak ci nei,” cik ci gui.”

2 GHANGPUGHANG GUI 19:36

Cun kawn ah Assirian uktubawi Sennachrib cu ng’hlat ba ne Nineveh ah hteit ba ci.

KHEI NAK 24:24

Ng’tuk sou ci gui cu Cyprus ah ka hleikaw awn lawk khai gui nei. Ngami naw Assiria la Eber cu tu ne näng khai gui nei. Cun ung phi ngami cu ng’hlah shi ba gui ne ang tä sei m’di gui khai nei.”

KHEI NAK 24:22

Cun ung phi nangmi Kenit gui cu nami m’di khai, Assiria naw tu ne a ning pha gui hnüüp.

ATÜNNAK 10:12

Resen cu Nineveh la Kalah mang gaw ah ng’lak ung om ci.