ATÜNNAK 10:10 - Cho Bible Common Language 2016

¹⁰ Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

ATÜNNAK 10:10 Referans Kwoze

ATÜNNAK 11:9

Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.

ATÜNNAK 11:2

Ngami cu hni law lam ah hteit u ne, Babilonia khonglei do ung gawk ne hmun tuk ci gui.

MIKHAH 4:10

Ng’hlo ei ciah Jerusalem chang gui, hta lawk khawi ah hnumi ah mäih ah nami kyak ci. Tuhbäi nangmi cu mang gaw nawng shüt ne, khaw ng’piäu ung nami om khai. Nangmi cu Babilon ah nami hteit khai, cun ung phi a cu ah Bawipa naw nami ga ah kut ungka ning hun gui khai.

ATÜNNAK 14:1

Ghangpughang phli ah kyak ciah Babilonia ah kaa Amraphel ah, Ellasar ah kaa Ariok, Elam ah kaa Chedorlaomer, Koiim ah kaa Tidala gui cu,

ZEKHARIAH 5:11

Ani naw, “Babilonia ah hteh püi khai goi nei. A cu ah ani ah hmawk ah Taigüim co khai gui nei. Taigüim ami pyi ung dawn cu acun ung hmoh neta khawihnah khai gui nei” cik ci.

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

JEREMIAH 50:21

Bawipa naw pyen ci, “Marathaim la Pekok chang gui cu tu gui vä, ngawn gui ne m’di gui vä, kei ah ka thumkhän phung cu nami bi vai nei. Kei, Bawipa naw ka pyen nei.

ISAIAH 39:1

A cun ah khin ung Babilonia ghangpughang, Baladan ah hta Metudach Baladan naw Ghangpughang Hezekiah a gaw cu ng’ya neta, cala letsawng cu m’khäh ci.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 10:9

Kei naw Kalno la Karchemish mang gaw gui, Hamath la Arpad mang gaw gui, ka näng ci nei. Kei naw Samaria la Damaskas cu ka näng ci nei.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

ATÜNNAK 10:9

Bawipa ah bä nak awn ani cu akbä pi sakaap ah kyak ci. Cun ah kyasei chang gui naw, “Nimrod ah mäih ah akbä pi sakaap ah Bawipa naw ning pyang sä” cine pyen ci gui.

JEREMIAH 21:2

“Na bä ni, kei mi ah phäh ah Bawipa ah na thäh pe gui ä, a i ah kyasei ci ung Babilonia ghangpughang Nebukhadnezzar la a gakap gui naw mang gaw cu khai ci gui nei. Bawipa naw keimi ah phäh ah cäi aih vai tumat bawta m’dang ne, Nebukhadnezzar cu ng’hlah ei ba sak hman khai nei.”

JEREMIAH 50:1

Shin cu Babilon mang gaw la a chang gui ah mawng Bawipa naw ana pek ah ng’thu ah kiah ci:

EZEKIEL 27:23

Haran, Kanneh la Eden mang gaw gui, Sheba sumlei chang gui Asshur la Chilmad mang gaw gui — ami van cu nang awn sumlei ci gui.