ATÜNNAK 1:9 - Cho Bible Common Language 2016

⁹ Cun kawn ah Khanpughi naw, “Khankhomik ah kaa ah tui gui avan ng’dawn u sä, khokawng ng’dang law sä” ci sei acun ah kya lawk ci.

ATÜNNAK 1:9 Referans Kwoze

2 PETER 3:5

Khanpughi naw khan mawpi la khomdek cu ang thu küi awn atüi pian la khomdek cu tui ungka tui awn apian ah mawng,

JONAH 1:9

Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

SAM 95:5

Ani naw amät ah pyan ah tuinu la amät ah m’thaam ah kho kawng avan cu uk ci nei.

THUSHÄUTU 1:7

Tuilawng päng cu tuinu ah ng’dawn ci gui, cun ung phi tuinu cu kä be phung ci. Tui gui cu tui ah khawng nak ah ng’hlat ne gawk ba u ne, cun ungka long ba mä ci gui.

SAM 33:7

Ani naw tuinu gui cu hmun ät ung kyum sak ci; Tuili küi phi khai ne li ät ah büi ci.

JOB 26:10

Ani naw hmüp khui ungka akdei cu m’cha ne, tuinu ah khan ah khongvei cu tha ci.

THU PHLAAN 10:6

ng’shon päng ung ghing ne, khankho la khomdek, tuinu la apäng avan tüi sho ciah Khanpughi ah ming cu han be netah, “Cän kawn ah kä shou shü ba khai nei!

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

JOB 26:7

Khanpughi naw a siip täng khomik cu k’phiäih ne Khomdek cu khohäu ung bat ci.

ATÜNNAK 1:8

Khanpughi naw khomik cu “Khankhomik” ah sui ci. Mühun la khongawi ng’tün ne ak hnüüp goi nak ah kyak ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.