ATÜNNAK 1:7 - Cho Bible Common Language 2016

⁷ Khanpughi naw khomik cu pyang ne, tuinu la khomik ah khan ung tuinu ah kya lawk ci.

ATÜNNAK 1:7 Referans Kwoze

SAM 148:4

A hlüngtai pi bäih khankho, Bawipa cu m’tam vä, khomik ah khan ah tui gui naw phi m’tam vä.

MATTHE 8:27

Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

ATÜNNAK 1:9

Cun kawn ah Khanpughi naw, “Khankhomik ah kaa ah tui gui avan ng’dawn u sä, khokawng ng’dang law sä” ci sei acun ah kya lawk ci.

JOB 26:8

Khanpughi naw khong mei cu tui awn be sak ne gih ne kä ang kyak vai ah k’pang ci.

ATÜNNAK 1:15

Khankhomik ung om ne khomdek dei khang khai ah akdei-im cu om sä” ci sei a cun ah kyak ci.

THUSHÄUTU 11:3

Sing ghing cu a i täng ah a kyuk ung phi, a kyuk nak ung ng’yän ci nei. Khomei a be law ah akyak ung kho aa ci nei.

ATÜNNAK 1:24

Cun kawn ah Khanpughi naw, “Akghing nü, aming päng, nep ci gui, nget ci gui, ng’vaak ci gui, ng’yawih ci gui, yo ci gui, däm ci gui avan cu khomdek naw ng’tüi sak sä” ci sei, a cun ah kyak ci.

ATÜNNAK 1:11

Cun kawn ah Khanpughi naw, “Paai ci la m’theih ci, ghing gong ci phung avan khomdek khan ah ng’lih pyou sä” ci sei a cun ah kyak ci.

SAM 104:10

Nang naw k’hteng ng’nawi gui ung, tui hta gui lon sak ne, m’htung ng’lak gui ung tuinu gui na lon sak ci.

ATÜNNAK 1:8

Khanpughi naw khomik cu “Khankhomik” ah sui ci. Mühun la khongawi ng’tün ne ak hnüüp goi nak ah kyak ci.

SAM 19:1

Thein ciim ciah khomik naw Khanpughi ah bämang nak cu dang sak ci! M’kim ciah ng’lei do naw abi lawh cu ng’dang sak ci!

SAM 19:2

Hnüüp ät naw hnüüp ät ba vai cu ng’shäu ne; mü ät naw mü ät ba vai cu pyen ci.

SAM 136:5

A cüivai nak awn khan kho cu pyang ci; Ani ah m’hni nak cu ng’täi ci nei;