ATÜNNAK 1:31 - Cho Bible Common Language 2016

³¹ Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

ATÜNNAK 1:31 Referans Kwoze

1 TIMOTHI 4:4

Khanpughi ah tüi pyan phung cu nik ciah kyasei, a i ei phi kä hlawi vai, ei vai phung cu m’hlüngtai ne taigü nak awn dou vai kiak ci,

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

SAM 104:31

Bawipa ah bämang nak cu angtäi ah om sä! Bawipa cu a tüisho gui ung yeikyai nak om sä!

NG’ÄI KYAH 3:38

Ani ah thumkhän cu akni la akkaa naw atäng ah gah ci goi nei.

JOB 38:7

Cun ah hnüüp kho thaih hta ung aisi gui naw atäng ah ng’äi m’cu ci gui, Khanchang gui cu yei ne m’lau ci gui.

ATÜNNAK 2:2

A hnüüp chih hnüüp ung Khanpughi cu a tüisho avan pyi phleh ci kyasei ng’düm ci.

ATÜNNAK 1:23

Mühun la khawngawi ng’tün ne ak hnüüp hma nak ah kyak ci.

ATÜNNAK 1:8

Khanpughi naw khomik cu “Khankhomik” ah sui ci. Mühun la khongawi ng’tün ne ak hnüüp goi nak ah kyak ci.

ATÜNNAK 1:5

Khanpughi naw akdei cu “Hnüüp” ah sui ne, akhmüp cu “Mü” ah sui ci. Mühun angpyi kawn ah khongawi gawk law ne-cun cu ak htük bäih hnüüp ah kyak ci.

ATÜNNAK 1:19

Mühun la khawngawi ng’tün ne hnüüp phli nak ah kyak ci.

ATÜNNAK 1:13

Mühun la khawngawi cu ng’tün ne a hnüüp thum nak ah kyak ci.

1 TIMOTHI 4:5

A i ah kyasei ci ung, Khanpughi ah ng’thu la taigü nak naw, cun ah ei cu a theing sak pyi ah kyak ci.

PHYAWN NAK 31:17

Shin cu Israel gui la kei ah ng’lak ung, ng’täi ciah m’hnüt nak ah kyak ci. A i ah kyasei ci ung Kei Bawipa naw khankho la khomdek cu hnüüp chuk ung ka tüipyang ci. A hnüüp chih hnüüp ung ka bii cu m’düm ne ka ng’düm ci.

SAM 104:28

Nang naw pe gui ci sei, ngami naw ei ci gui; Nang naw ei m’bei gui ci sei, ngami cu phü ci gui.

SAM 119:68

A i hlawk ah na nik ci, a i hlawk ah na bä ci ang! Na thumkhän cu na m’thei ä.

NG'THU K'THUUK~ 16:4

Bawipa naw a tui pyan pang ung ang bu nak om ci, akshe ah ang bu nak cu dishum ci.

THUSHÄUTU 3:11

Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.