ATÜNNAK 1:28 - Cho Bible Common Language 2016

²⁸ Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

ATÜNNAK 1:28 Referans Kwoze

ATÜNNAK 9:1

Khanpughi naw Noah la a hta gui cu hriham pe gui neta, “Nangmi cu akda ah hta ne khomdek nami be sak vai nei.

ATÜNNAK 9:7

“Nangmi cu akda ah nami hta vai nei, nami htangshon gui cu khomdek khan ah be ne om khai gui nei” cik ci.

TAIGÜTHUM 26:9

Kei naw hrilham ning pe gui ne nami hta akda ka ning pe gui khai; nangmi awn ka bi ah thukhän, kei täng ung ka cu, kei naw ka k’pang khai.

ATÜNNAK 1:22

Khanpughi naw, htanau ne ng’shon bang vä, tuinu phi be sak vä, kha gui phi khomdek khan ung da ne ng’shon u sä cine phyisä gui ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ATÜNNAK 17:20

Ishmaela ah phäh ah nang naw na ng’yoih cu ka ng’yak ci, ani am hriham ka pek khai, a hta akda, a htangshon akda ka pek khai. Ani cu bawimang gha lei goi ah pa ah kyak khai. A htangshon cu pakhui küi ah kyak khai.

ATÜNNAK 8:17

Phyukha khisa avan lut law püi ba gui ä, khomdek khan ung hta nau pungpiah ne om khai gui nei” cine m’cäi ci.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

1 SHONTÄP NAK 4:10

Cun ung phi Jabez cu Israel Khanpughi ah taigü ci, Khanpughi aw, hriham na peä, khaw akda na peä. Kei cu a täng ah na om püi ne, na natsak khai ah akshe phung ungka na shung vong ä. Ani ah ak taigü cu Khanpughi naw ngaih pek ci.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

ATÜNNAK 49:25

Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

1 SHONTÄP NAK 26:5

Ammiela, Issakha, la Peullethai.

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

SAM 69:34

Khanpughi cu khankho la khomdek, tuinu la a tüisho avan naw m’taam vä.

JOB 42:12

Bawipa naw Joba am ak htük ung a peit ah hriham ah mä däm pi khai ah ak hnu täng a ghin nak ung pe ba ci. Joba naw htome phya phya gha lei phli, kalauk phia chukkip, seipat phya m’ku lah ng’sela phya gha tuhbäi ka nak ci.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

ATÜNNAK 5:2

Pami la hnumi cu tüisho ne phyisä neta, Hniciim chang ah ang ming a sui ah kyak ci.)

SAM 8:6

Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

ATÜNNAK 6:1

Khomdek khan ah chang pakhui gui pung pyiah u ne, hnumi hta gui ah phi hta ci gui.

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?

SAM 8:7

Htome gui, seipat gui la khisa gui:

SAM 115:16

Khankho cu Bawipa amät bäng naw khäm ci, khomdek cu mikmi hnicim chang am na pe gui ci.