ATÜNNAK 1:27 - Cho Bible Common Language 2016

²⁷ Cun ah kyasei Khanpughi naw hniciim chang cu amät ah müi ah mäih ah tüisho ci. Ani naw pami la hnumi cu tüisho goi ci.

ATÜNNAK 1:27 Referans Kwoze

MATTHE 19:4

Bawipa Jesuh naw, “Ak htük ge ung Pushipi naw pami la hnumi cu tüi pyang goi ci.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

MAKUH 10:6

Cacim ung om ciah mäih ah ak htük ung Khanpughi naw pami la hnumi cu tüisho ci.

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

SAM 139:14

Nang cu ka ning m’tam ci, a i ah kyasei ci ung nang cu kyih aa vai na kyak ci; Nang ah na bi phung cu a hlü hlü ah cäicat vai kyak ci. Kei naw cun cu ka m’lung kyong avan awn ka hmat ci.

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

ATÜNNAK 2:18

Bawipa Khanpughi naw, “Chang pami a mät bäng a om cu kä bä ci, hnünthawh püi khai ah a paw cu ka pyang khai” cik ci.

KOLOSE 1:26

Cun ah Thu Ni cu hta ng’shon ung chang avan ung ng’yih te ciah kiak ci, cun ung phi tuhbäi ak chang gui-am phawn ne m’dang gui ci.

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

THULÄÄN NAK 4:32

“Ng’pyi pyi ciah a khin, kä nami ng’tüi nak pha ah akhin, khomdek khan ung Khanpughi naw chang a tüisho yah ah a khin gui cu shuiyap ba vä. A shin ah mäih ah dämduh ciah a mawng cu kya tu man ne ang? Shin ah mäih ah a mawng ng’ya tu man ciah chang om man ne ang?

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

SUKI GUI 21:22

Ami pa gui, käcung ami phäinau gui law ne ami ning häu law gui ah a kyak ung, nami pyen vai cu, “Nami bä ni, na khäm sak gui vä, a i ah kyasei ci ung, keimi naw kami chu gui vai ng’tuk nak ung kami lak ka kä kyak ci. Nangmi naw nami na pek gui ah phi kä kyak ci, nangmi nami shaitak nami m’shet ciah kä kyak ci,” cik ci gui.

JEREMIAH 29:6

Ng’chungla ne nami hta nau rai. Nami hta nau gui phi nami ng’chungla sak gui vai cun ung ngami phi hta nau lawk khai gui. Nangmi cu nami da law pi vai. Kä nami ken en law pi vai.