ATÜNNAK 1:26 - Cho Bible Common Language 2016

²⁶ Cun kawn ah Khanpughi naw, “Hniciim chang cu mi mät ah müi ah mäih ah mi tüisho khai; ngami naw nga gui ni, kha gui ni, akghing nü avan cu uk khai gui” cik ci.

ATÜNNAK 1:26 Referans Kwoze

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

ATÜNNAK 3:22

Bawipa Khanpughi naw, “Chang cu mikmi ungka tumat mat ah mäih ah kya pyi ci, akni la akshe phi hmu hmat pyi ci. Tuhbäi ung chang cu ghin nak ah sing ah theih bit ne ei ne angtäi ghing nak gah khai ah kä khin ba ci nei” ci neta,

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

JAMES 3:9

Mikmi naw Khanpughi Bawipa mi m’hlüngtai nak ung m’lei cu mi mang ci, Khanpughi naw amüi ah a tüi ah mi chang paw mi yüihgen nak ung phi, m’lei bä mi mang ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

1 KORIN 11:7

Pami naw alu a uk vai kä hlü ci, a i ah kya sei ci ung, pami cu Khanpughi ah müi la bämang nak cu, khang sak ciah kyak ci. Hnumi läi cu pami ah bämang nak cu vai sak ciah kyak ci:

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

1 JOHAN 5:7

Saksi thum om ci;

JAMES 3:7

Chang naw kawng khawm, phiu kha, k’phyukphyai, ngak’ai gui cu m’hnep hning ci, am hnep phi akda om ci.

ISAIAH 6:8

Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

JEREMIAH 27:6

Babilonia ghangpughang ka changshäm, ghangpughang Nebukhadnezzar ah huham ka ah shin ah changpakhui gui avan tha cicu kei ah kyak ci, khisa gui naw phi ani ah bii ami vai ah kei naw ka bik ci.

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

JOHAN 5:17

Bawipa Jesuh naw, “Kapa cu angtäi ah bi bik ciah kyasei, kei phi ka bik khai” cik ci.

LAMKTU 17:20

Nangmi naw nami pyeinsak ah amanwg amshah gui cu keimi ah hmawk ah ak thai ah kya ci, cun gui ah mawng cu m’hlan ne kami hmat tu hlük ci nei” cik ci.

JOB 5:23

Nang naw na bi ah lolai gui ung lungnu gui kä om khai, khisa gui naw kä ning plawh sheh khai gui.

ATÜNNAK 2:19

Bawipa Khanpughi naw m’dek ng’nai cu la neta khisa avan la kha gui avan cu tüi pyang ci. Cun kawn ah chang naw teng gui neta ami ming a sui gui vai ah law püi gui ci. Chang naw ak ghing gui avan cu ami ming sui gui sei, a sui gui phäh phäh ming nak ci gui.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?

SOLOMON NG’Ä~ 1:11

Keimi naw nang ah phäh ah ghui a äh-awi cu ngui awn cüiche ne kami pyang khai nei.