ATÜNNAK 1:2 - Cho Bible Common Language 2016

² Khomdek cu a i ah kä ng’shing ne, kho k’häu ah kya ci. A thuuk nak pi bäih ah tuinu likim cu yiin ne hmüp sei, Khanpughi ah Mumcha cu tui ah khan ah hnüntho ci.

ATÜNNAK 1:2 Referans Kwoze

JEREMIAH 4:23

Kei naw khomdek ka teng ci ani cu ng’zü ne pim ci; Khankho ung phi akdei kä om ci.

SAM 104:30

Cun ung phi nang naw ng’ghi nak na pek gui yah ung na tüisho gui ah kyak ci. Khomdek am ghin nak akthai na pek ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

JOB 26:7

Khanpughi naw a siip täng khomik cu k’phiäih ne Khomdek cu khohäu ung bat ci.

JOB 26:14

Cun ung phi shin gui cu ani ah huham apüpüi ah kyak ci, amawng api mi ng’yak tu ah kyak ci. Khanpughi akcang ah a i hlawk ah dämduh ci cicu a u naw hmat hlawt khai aw?

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

THULÄÄN NAK 32:11

Hmu kiung naw a hta phawng yon am thei ung, ang phia k’phiaat ne ng’geing khai ah ani pha ah mäih ah Bawipa naw Israel gui ami yung kyak nak ungka, ana pang ba gui ci.

JOB 38:9

Tuinu khong mei awn küm ne mü hmüp awn ven cicu kei nei.

SAM 104:6

Nang naw khomdek cu suinu ah mäih ah tuinu awn hlawp ne, khomhtung gui cu tui awn na küm sak ci.

SAM 136:6

Thuuk ciah tuinu ah khan ah khomdek cu k’süm ci; Ani ah m’hni nak cu ng’täi ci nei.

SAM 148:7

Bawipa cu m’tam vä, m’dek ung ka naw tuinu-ganu gui la tuinu thuk avan naw;

NG'THU K'THUUK~ 8:24

Kei cu tuinu gui kä a om pha ung ka ng’tüi ci. Cun yah ung tuihta gui phi kä om phak ci.

ISAIAH 31:5

Kha naw ang bu ah khan ah ngo ne, a hta gui a shungvong ah mäih ah, kei, m’gäi ciah Bawipa naw Jerusalem cu ka shungvong khai, ka ghung khai.

JOB 41:32

Ani naw deikhang ciah lam cu hnu na ne tuinu cu a bawk ah m’bawm sak ci.