ATÜNNAK 1:16 - Cho Bible Common Language 2016

¹⁶ Cun kawn ah Khanpughi naw akdei-im goi cu pyang ci. Khaw hnüüp uk ciah khohni la khomü uk ciah chaa ah kyak ci; aisi gui phi tüisho ci.

ATÜNNAK 1:16 Referans Kwoze

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

SAM 8:3

Na kut m’dawng awn na pyan ah khankho mik la na k’süm ah cha la aisi gui cu ka teng ung

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

SAM 148:5

Bawipa ah aming cu avan naw m’tam sä! Ani naw thumkhän sei, ngami cu ng’tüi lawk ci gui kyak ci;

SAM 74:16

Nang naw mü la hnüüp cu na tüisho ci; Hni la cha phi a hmun phäh phäh ung na k’süm ci.

SAM 148:3

Hni la cha gui, Ani cu m’tam vä; Khang ciah aisi gui, Ani cu m’tam vä.

JOB 38:7

Cun ah hnüüp kho thaih hta ung aisi gui naw atäng ah ng’äi m’cu ci gui, Khanchang gui cu yei ne m’lau ci gui.

1 KORIN 15:41

Hni ung a kyom nak om hnga ci, chaa ung a kyom nak om hnga ci, aisi gui ung phi ami kyom nak om hnga ci; aisi gui tumat la tumat phi ami kyom nak a hlü hlü ah kyak ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

HABAKKUK 3:11

Ng’ghin ne yong ciah na m’la ah lailäp la, khang ciah na k’htei ah ang shü ung, hni la cha cu ng’düm ci goi nei.

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

SAM 19:6

Ani cu khomik ah vang mawng ah lut law ne, vang mawng ah ng’phlän ne hteit ci. Ani ah a ng’lung ung a i phi kä ng’shung thei ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

JOB 31:26

Kei naw khohni ah a pyü khang cu kä ka khawihnah phung ci nei. A kyom ah phäh ah cha phi kä ka khawihnah ci nei.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

ATÜNNAK 1:15

Khankhomik ung om ne khomdek dei khang khai ah akdei-im cu om sä” ci sei a cun ah kyak ci.

JEREMIAH 31:35

Bawipa naw kho hnüüp ung dei khai ah khohni la khomü ung ng’shü khai ah chapa la aisi gui cu na pe gui ci. Ani naw tuinu hnaawk ne ng’hmum sak ci; ani ah ming cu m’gäi ciah Bawipa ah kyak ci.