ATÜNNAK 1:14 - Cho Bible Common Language 2016

¹⁴ Cun kawn ah Khanpughi naw, “Mü la hnüüp m’khoichak khai ah khawmik ung akdei-im om sä; yumnak pawi gui bi nak vai la akhin hmat nak vai ah khawkum hni cha gui ng’khoicha ne om sä;

ATÜNNAK 1:14 Referans Kwoze

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

JEREMIAH 31:35

Bawipa naw kho hnüüp ung dei khai ah khohni la khomü ung ng’shü khai ah chapa la aisi gui cu na pe gui ci. Ani naw tuinu hnaawk ne ng’hmum sak ci; ani ah ming cu m’gäi ciah Bawipa ah kyak ci.

SAM 148:3

Hni la cha gui, Ani cu m’tam vä; Khang ciah aisi gui, Ani cu m’tam vä.

SAM 148:6

A thumkhän awn ami hmun gui cu angtäi ah m’hnüt pe gui ci, ngami naw kä läk ne kä om hlawt ci gui.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

JOEL 3:15

Hni la cha hmüp yawp ci, aisi gui kä khang ba ci.

JEREMIAH 10:2

Ngai vä. Ani naw pyen ci, “Ahei pakhui gui ah lam cu kä nami läk vai; kä hmuh man gui khomikung dang sei, ahei pakhui gui ami kyihkyawk ung phi, cun naw nangmi kä ning tüihtok en gui sä.

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

ATÜNNAK 8:22

Khomdek a om mah chuih geit nak ah khin la khäm nak ah khin om khai. A khing la ang ling, khaw cha la khaw sik, khawmü la khaw hnüüp angtäi sei om khai” cine pyen ci.

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

JEREMIAH 33:20

“Kei naw mü la hnüüp pum ung thukhän ka bik ci, cun ah kyasei ami khin a gawk law päng ung ngami lawk ci gui; cun ah thukhän cu kä she hlawt khai nei.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

EZEKIEL 46:1

Uktu Bawipa naw pyen ci, “Akyong täng cham ah hteh nak ah a kiang täng m’kawt cu, bii bi nak ah hnüüp chuk ung khai vai, cun ung phi cun cu kyiin hnüüp la cha lum Thai hnüüp ung hmawn vai.

JEREMIAH 33:25

Cun ung phi kei, Bawipa ung amü a hnüüp thukhän om ci, khomdek la khankhaw k’pang khai ah thukhän ka pyang ci.

JOB 25:5

Ani ah mik awn teng ung cha phi kä vai ci, aisi phi kä ci, ci nei.

ATÜNNAK 9:13

Ka yapi cu khongmei ung ka ng’dang sak ci. Cun ah yapi cu khomdek la kei ah thukhän ah kyak khai nei.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

LUKA 23:45

Taigüim kyong ah ami yai ah yih phi hnih ah teek ne ng’chak ci.

MAKUH 13:24

Zaica nak gui a gawk law kawn ah khohni cu mü ne hmüp khai, Cha phi kä vai ba khai.

EZEKIEL 46:6

Cha lum Thai pawi ung ani naw vantang nong tumat, htome hta chuk la htome m’ca tumat cu a douthak vai, ami van cu kä khei hlik en khai gui.

SAM 119:91

Ak ghing om avan cu tuhngawi güt om ci gui, cun cu na thumkhän ah hmawk ah kyak ci, cun gui ami van cu na shäm ah ami kyak ah hmawk ah kyak ci.

JOB 25:3

Abii bik ciah khanchang gui cu a u naw khei hlawt khai ang? Khanpughi ah akdei ah kä khang nak ah hmun a hawi om khai ang?

JOB 3:9

Thaih ke aisi cu kä k’khang khai ah k’pang vä; Cun ah mü ung khaw a thaih law vai ngaih u nak kä om sä.

THU PHLAAN 9:2

Cun ah aisi naw m’htei lungkhui cu hmawng khätah khawvah ng’ai m’khih ung akhu ah mäih ah meikhu tawt ne shung sei hnimik la khankho avan hmüp yawp ci.

ATÜNNAK 1:13

Mühun la khawngawi cu ng’tün ne a hnüüp thum nak ah kyak ci.

ATÜNNAK 1:15

Khankhomik ung om ne khomdek dei khang khai ah akdei-im cu om sä” ci sei a cun ah kyak ci.

SAM 150:1

Bawipa cu m’tam nei! Khanpughi cu a Taigüim ung m’tam vä! Ani ah akthamah nak cu Khankho ung m’taam vä!