AMOS 9:9 - Cho Bible Common Language 2016

⁹ “Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

AMOS 9:9 Referans Kwoze

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

ISAIAH 30:28

Ani naw ama ah khokhinu tüi lawk khai, a cun naw tuiklaw naw apäng nü a hteh ah mäih ah hteh khai. A cun naw chang pakhni gui cu pheik ne m’di ne, akshe ah ami pawng püi gui cu ng’pyi sak khai.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

JEREMIAH 31:36

Khawpuui a om ah chuih Israel pakhui khaw cu om khai cine ani naw shaitak ci.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

EZEKIEL 5:10

Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

EZEKIEL 36:19

Kei naw ami om ih la ami hnün thawh ah phäh ah m’kyuk gui ne, akhohei khopäng gui ung gawk khai gui ah ka püipiang sak gui ci.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

ISAIAH 28:28

Ani naw htang cu kä düm ne neen düt ne kä m’di ci, Htang kä ng’deng khai, ng’hlee awn, a i cha neen vai cu ani naw hmat ci.

EZEKIEL 39:28

Cun kawn ah kei ah ka chang gui naw kei cu Bawipa ami na Khanpughi ah na hmat khai gui. Ngami naw shin cu hmat khai gui, a i ah kyasei ci ung kei naw ngami cu ami pha gui vai ah tüi gui neta, tuhbäi bum ba gui ne, a u phi kä k’pawih en khai ah ami mät ah khaw ung ka law püi ba gui ci.