Biblia Todo Logo
Bib sou entènèt

- Piblisite -




AMOS 9:8 - Cho Bible Common Language 2016

8 Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

Gade chapit la Kopi




AMOS 9:8
27 Referans Kwoze  

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”


Ami ga gui naw ami pha gui ung phi, ami ngawn gui vai ah ka bäi gui khai. Ami m’di gui vai, kä ami m’htei tu gui vai ah kei naw ka pyen khai” cik ci.


Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.


Ka chang gui ah sapyit ng’shun gui tupit khai ah ga gui ka tüi lawk khai nei, cun ung phi avan kä m’di gui vai nei. Ang ban gui tupit ne ami ghawh vai ah kei naw ka m’thein gui khai, a i ah kyasei ci ung cun ah ng’ban gui cu kei ah kaa ah kä kyak ci nei.


Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.


Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.


Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.


Bawipa naw na bi phung cu hmuk ci nei, na hteh nak päng ah ning ngäng ci nei.


Shin ah katnak naw ani dishum sak ne a mangshon avan dishum nak ung gawk sak ci.


Ahei khanpughi gui nami khawihnah ah a kyak ung Bawipa ah m’lungshe nak cu mei ah mäih ah law ne ning hnungtuk püi gui ne, ning m’di gui yawp khai. A i ah kyasei ci ung nangmi ning om püi gui ciah Bawipa nami Khanpughi cu a u awn phi kä täng tuk ci


Ani cu chimgein ciah Khanpughi nei. Ani naw kä ning nawng gui khai. Kä ning m’di gui khai, nami pupa gui ung ani amät naw a bi ah thukhän cu ani naw kä m’hnih khai.


A hnüüp chih hnüüp ung tün ne, hnüüp phli kip la mü phli kip ung khaw k’aa nu ka yuk chah lawk khai nei. Ka tüisho ah akghing avan cu ka m’di yawp khai nei” cine yuk m’thein ci.


Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.


Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”


Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.


Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”


Ka chang gui ah ng’lung ungka cheishoh ci gui phung cu ng’tuk nak ung ngawn gui vai — Cun ah chang gui cu ‘Khanpughi naw, a i leigai awn phi kä na et sak gui khai, cik ciah chang gui avan ah kyak khai’ ” cik ci.


Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.


Swiv nou:

Piblisite


Piblisite