AMOS 9:7 - Cho Bible Common Language 2016

⁷ Bawipa naw, “Israel chang gui, nangmi ah khan ah ka ngaih ah mäih ah Sudan chang gui phi ka ngai gui ci nei. Nangmi Egypt khaw ah kaa ka ning law püi ba gui ah mäih ah, Krete ah kaa Philistin gui, Kira ah kaa Sirian gui ka law püi ba gui ci.

AMOS 9:7 Referans Kwoze

JEREMIAH 47:4

Philistia m’di nak vai ah akhin gawk lawk ci, Tire la sidon ah ka lawk ciah om ba ciah bawm nak avan cu m’chün pit ci gui nei. Kei, Bawipa naw Philistia gui cu ka m’di khai nei, ngami ami van cu Krete tui kem ung ka lawk ci gui nei.

2 GHANGPUGHANG GUI 16:9

Tiklath Pileser naw Ahaz ah khü cu k’cang na ne, a gakap gui awn law ne, Damaskas cu tu ne khäm ne, Ghangpughang Rezin cu ngawn ne, chang gui cu Kir ah hteh püi gui ne thawng chum gui ci.

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

AMOS 2:10

Kei naw Egypt khaw ah kaa ka ning law püi ba gui ci, khokum phlikip ung bung puk ka ning kaan sak gui ci, Amorit gui ah khaw cu nami kaa vai ah ka ning pe gui ci.

AMOS 1:5

Damaskas ah mang gaw m’kawt cu ka dep khai. Aven khaw nawi ung om ci gui la Betheden uktu gui cu ka m’hnawn gui khai. Siria chang gui cu Kira khaw ung thawng kyum ah kyak khai gui ah ka hteh püi gui khai.

HOSEA 12:13

Bawipa naw prophet tüi law ne Israel chang gui cu Egypt khaw ah khleihtein ah kya ne om nak ungka gung gui ne m’hteihtang gui ci.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

ISAIAH 22:6

Elam khaw ung gakap gui cu ng’se ng’cum u ne, li m’la kawt ne lawk ci gui nei. Kira khaw ung gakap gui cu ami shawi kawt ge ne om ci gui nie.

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

2 SHONTÄP NAK 14:9

Ethiopian chang Zerah naw gakap hting gha la yatha 300 awn Judah cu tu law ne Mareshah gawnu ung gawk lawk ci.

2 SHONTÄP NAK 14:12

Asa la Judean gakap gui naw ami tuk law gui yah ung Ethiopian gakap gui cu Bawipa naw tuh hnim gui ci. Ngami cu dawng ci gui.