AMOS 9:5 - Cho Bible Common Language 2016

⁵ M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.

AMOS 9:5 Referans Kwoze

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

ISAIAH 64:1

A i ah kyasei nang naw khomik hmawng ne kä nakyum law ang? Khom’htung gui naw ning hmu u neta kyi ne n’gthüng khai gui nei.

MATTHE 7:27

Khokhe aa ne, tuinu ng’güt ne, puikho khi ne ang tum law ung, cun ah im cu ng’gäi ne maih ci. Cun ah im adi-dam nak cu nui aih aih ci nei!”

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

SAM 144:5

O Bawipa, khomik k’pui ne, hmawg ne zu kyum law ä; Khomhtung gui cu na tawk ung mei ah khu khai gui nei.

SAM 32:6

Cun ah kyasei, na changnigui cu, ami ng’yak hlü ah khin ung taigü khai gui nei. Tuinu ng’güüt ne a law, law ung phi, kä k’pha gui khai nei.

SAM 97:5

M’dek khan van ah Bawipa ah ma ah, Bawipa la khomhtung gui cu khoi chap ah mäih ah tui ne ng’nawi ci gui.

SAM 104:32

Ani naw m’dek yuk teng sei, m’dek cu thüng ci, khomhtung gui tawk sei mei ah khü ci.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.