AMOS 9:4 - Cho Bible Common Language 2016

⁴ Ami ga gui naw ami pha gui ung phi, ami ngawn gui vai ah ka bäi gui khai. Ami m’di gui vai, kä ami m’htei tu gui vai ah kei naw ka pyen khai” cik ci.

AMOS 9:4 Referans Kwoze

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

EZEKIEL 5:2

Mang gaw ami khaai ang pyi nak ung k’pai ät cu mang gaw kyong ah na m’khih vai. K’pai ät cu mang gaw k’pung ah khüt sei na khim sem awn at pit pit ne na ci vai. K’pawih ba ciah k’pai ät cu khokhi ung na m’shon vai kei naw ka khimsem awn k’täm ne ka tuk khai.

JEREMIAH 39:16

m’gai ciah Bawipa, Israel khanpughi ah pyen cu Sudanese chang Ebedmelek am ka m’thein vai ah kyak ci, “Kei naw ka pyen ah mäih ah ka bik khai kei naw shin ah mang gaw ah khan ah kikap nak la kä bämang nak cu ka law püikhai. Cun gui a kyak yah ung nang naw a cu ah om me na hmuk khai.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

ZEKHARIAH 8:10

Kä cun pha ung m’khüt hning ci a u kä om ci, chang phi kä om ci, sei saya phi kä om ci. A u phi ami ga gui ah kut ung phyawn sak gui ci kä om ci. Chang gui tumat la tumat ka ng’hnungtuk sak gui ci.

ATÜNNAK 44:21

Nang bawi naw shia ah kami law püi vai pyen ci sei, law püi u ngä sei na hmuk ci.

PHYAWN NAK 14:24

A cun hta ng’lung ung Bawipa naw, ng’mei von la meidäi ung om ne, Egypt gakap gui cu yuk teng gui neta, shühkhah sak gui ci.

SAM 34:17

Düng ciah chang gui naw Bawipa cu ami khü ung ngaih pe gui ci; ami khüikha nak avan ung gung gui ci.

JEREMIAH 39:12

“Hteit ne Jeremiah hmu neta ak ni ah m’hter ä. Akna ah kä na bi vai, cun ung phi angyak hlü phang nami bi pek vai.”