AMOS 9:3 - Cho Bible Common Language 2016

³ Ngami cu Kamela m’htung lai ah ami ng’thuh ung phi, shui ba gui ne ka pha ba gui khai. Ngami cu tuinu ah khui ah ami ng’thuh ung phi, tuinu phyung hlui am ka htuih sak gui khai.

AMOS 9:3 Referans Kwoze

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

JOB 34:22

Katnak bik ci gui naw Khanpughi naw kä a hmuh gui vai ah ami ng’thuh nak vai ah ng’büh ciah hmüp khui kä om ci nei.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

ATÜNNAK 3:8

Cun ah mühun ung dum ah kyong ah Khanpughi a law cu ng’ya ni neta, ngani cu sing ghing hmu ah ng’thup ci goi.

2 SAMUEL 22:46

Ngami ami k’tha maih ci, Ami mangpang ungka ng’hlet ne lawk ci gui.

JOB 22:13

Cun ung phi nangmi naw nami ng’shik ci, “Khanpughi naw a i hmat ne nang? Ani cu ng’mei naw shung ci, a i hawkcha ah nam khoicha gui khai aw?” nami cik ci.

SAM 68:23

Cun ah kyasei nang naw ami si leh ci sei, na ui gui naw ami si cu ami hni ah m’leeik khai” cik ci.