AMOS 9:14 - Cho Bible Common Language 2016

¹⁴ Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.

AMOS 9:14 Referans Kwoze

ISAIAH 61:4

Ngami naw ak shou didam lawk ciah mang gaw gui cu co ba khai gui.

JEREMIAH 30:3

a i ah kyasei ci ung kei naw ka Chang gui Israel la Judah gui ka m’thawk nak ba gui vai ah akhin cu gawk lawk ci nei. Kei naw ngami cu ami pupa gui am ka pek gui ah khaw ung ka law püi ba gui khai, ngami naw cun ah khaw cu kaa na ba khai gui. Kei, Bawipa naw ka pyen nei.”

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

JEREMIAH 31:28

Kei naw m’htei ge ne phu ne mawi ne, m’hlaan ne m’di ne, ka maih sak gui ah mäih ah kei naw m’htei ge ne geit kaw ne cokyang ne ka ci ba gui khai.

ISAIAH 65:21

Chang gui naw imco khai gui, cun ung ami mät om khai gui-a cun cu chang a hei naw kä om nak khai. Ngami naw sapyit geit u ne, sapyit tui awk khai gui-cun cu a hei gui naw kä awk khai gui. Sing ghing gui ah mäih ah kei ah ka chang gui cu aksho ghing khai gui. Ngami naw ami bilawh phung cu yeikyai ne ei-mang khai gui.

SAM 53:6

Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

EZEKIEL 16:53

Bawipa naw Jerusalem cu pyen nak ci, “kei naw ka bühmang ka sak gui khai-Sodom la api gaw hta gui la Samaria la api gaw hta gui cu kei naw nangmi phi ka ning bühmang sak gui khai.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

SAM 107:37

Ngami naw m’shi phu u ne, sapyit geit u ne, am theih pai cu akda ah khäm ci gui.

ISAIAH 60:4

Na pei yung cu teng ä, a i, i ah a kyak cu na hmu ne ang? Na chang gui cu lm ah law ba khai gui ah ng’bum ci gui nei! Na htapa gui cu a shou nak ah ka lawk khai gui nei; Na hta hnumi gui cu a hmaw hta gui ah mäih ah Chang gui naw law püi gui khai gui nei.

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

JEREMIAH 23:8

Cun nak vai sä ung, a siiptäng khaw la kei naw ka püipiang sak nak gui ah ahei khawpäng avan ungka Israel chang gui law püi ba gui ciah ghing ciah khanpughi ah pyen ne ng’khäntaam khai gui nei. Cun kawn ah ngami cu ami mät ah khaw ung om khai gui.”

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

JEREMIAH 31:5

Nangmi naw Samaria m’htung ah Sapyit nami geit ba khai, cun ah sapyit ah m’theih pai cu geit ci gui naw ei khai gui.

JEREMIAH 32:15

M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

JEREMIAH 33:7

Kei naw Judah la Israel cu ka bühmang sak gui khai, a zan kaa ah mäih ah ka cokyan ba gui khai.

EZEKIEL 37:21

m’thein gui ä, kei, uktu Bawipa naw, ka chang gui cu ami hteh nak ah changpakhui gui ungka ami van ka la ba gui khai, atäng ah ka bum ba gui khai, ami mät ah khaw ah hteh püi ba gui khai nei.

JEREMIAH 16:15

Acun nak vaisü ung Israel chang gui cu a siiptäng khaw la kei naw ka püi pyang sak nak gui ah akhopäng hei gui ung ka ka law püi ba gui ciah ghing ciah khanpughi ah ka kyak nak ung guntaan khai gui nei. Kei naw ami pupa gui am ka pek gui ah ami mät ah khaw ung kei naw ka hteh püi ba gui khai. Kei, Bawipa naw ka pyen ci nei.

JEREMIAH 29:14

Ä, kei naw ka pyen ci, nangmi naw nami na hmuk khai, kei naw nami khaw ung ka ning chah ba gui khai. Kei naw ka ning püi pyang sak nak gui ah khopäing nü, khohmun nü ungka ka ning bum ba sak gui khai, cun kawn ah kei naw omktu ah ak ning tüih nak gui ungka nami khaw ung ka ning law püi ba gui khai. Kei, Bawipa naw ka pyen ci.’

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.