AMOS 9:13 - Cho Bible Common Language 2016

¹³ “Akhin gui cu gawk lawk ci nei” cik ci Bawipa naw. “Htang cu khäm nak man ah akhin ah mä yaang pi ne hmin lawk khai, am theih gui cu atui sui nak man ah akhin ah yaang pi ne up khai gui. Khomhtung gui ung tuui ciah sing theih gui ng’soi ne, khaw gui gui lon shi khai.

AMOS 9:13 Referans Kwoze

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

JOHAN 4:35

Nangmi naw, chaa-phli a om ba ung, geit khäm khin gawk lawk khai nami cik ci, cun ung phi geit ko gui cu, khäm ge vai ah hmin pyi ci gui nei,

ISAIAH 55:13

Tuhbäi hling k’cam gui ah ghing nak ung a geit-ghing gui tho lawk khai; Ng’hling ghing gui ah hnün ung mirtle sing gui tho lawk khai gui. Shin cu ngawi yä om khai ah m’khüt nak ah kyak ci, Kei, Bawipa naw ka bi gui m’shüm hnuh ba ah kyak ci.

TAIGÜTHUM 26:5

Nami geit cu da aih sei, sing theih akni k’bih vai güt ung htang nami khäm khai, m’shi shaw vai güt ung sing theih akni nami bit khai. Nami ei hlü phung avan nangmi ung om khai, nangmi cu nami khaw ung phyawng gai ne nami om khai.

EZEKIEL 36:35

Chang nü naw pyen khai, shin ah khaw cu a i hawkcha ang, shin cu bung ah kya man te ci, tuhbäi Eden dum ah mäih ah kyak ci nei, ng’phyek ci, ami guttep, dishum ciah mang gaw gui cu, tuhbäi bä ne khäng tham khai ah cawh ah kyak ci nei.

JOEL 3:20

Ami ngawn gui ah phäh ah kei naw phu ka tuk khai; changshe gui cu kä ka m’hlawt gui khai. Cun ung phi Judah la Jerusalem cu ngawi yä khäng khai goi nei, Kei, Bawipa cu Zion m’htung khan ah ka om khai nei.”

SAM 97:5

M’dek khan van ah Bawipa ah ma ah, Bawipa la khomhtung gui cu khoi chap ah mäih ah tui ne ng’nawi ci gui.

SUKI GUI 5:5

Khomhtung gui cu Sinai ah Bawipa, Israel gui ah Khanpughi, Bawipa ah ma ah thüng ci gui.

AMOS 9:5

M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.

ATÜNNAK 49:11

Ani naw angsela nong cu sapyit shun ung pawng khai, cun cu sapyit akni pi ah kyak khai. A suisak gui cu si ah sen ciah sapyit tui ung m’si khai.

ISAIAH 16:10

Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

JOEL 2:24

Htang m’häi hmun cu htang m’guh awn be ne; neen nak ah akpei gui cu sapyit tui la olive situi awn pleip khai gui.