AMOS 9:12 - Cho Bible Common Language 2016

¹² Israel chang gui naw Edom khaw ah pawih ba ci gui la kei ah chang ah kya man ciah pakhui avan cu tuh ne khäm ba khai gui nei” cine shin gui kyak sak ciah Bawipa naw pyen ci.

AMOS 9:12 Referans Kwoze

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

ISAIAH 65:1

Bawipa naw pyen ci, “Kei cu ka chang gui ah taigü ka m’shang khai ah ka om ci nei, cu mung phi ngami kä taigü ci gu. Kei cu ngami naw ami na hmuh ge vai ah ka om cine, cun ung phi ngami naw kä tha nakci gui. Kei naw angtäi ah ka m’shang gui khai ah om pang ä sei phi, chang pakhui cu kei ah kä taigü lawk ci nei, “Kei shin ung ka om ci, kei naw ka ning m’htei gui khai nei”, ka cik ci.

JEREMIAH 14:9

A i ah kyasei nang cu cäi vai ah ami hteh püi ah chang ah mäih, amgein kaa gakap ah mäih ah Huham kä om ciah na kiak? Bawipa, akcang ah nang cu keimi awn na om ci nei! Keimi cu nang ah chang gui nei; kä na nawng en gui ä!

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

SAM 60:8

Moab khaw cu tui ka ng’si nak ah kyak khai, Edom cu ka phahnak ah ng’leh nak ah kyak khai. Cun cu ka ka ah a kyak ah mawng ka m’hnüt nak ah kyak ci. Philistin chang gui naw kei ah khan ah ng’näng ne m’lau khai gui ah ngai u ne ma?”

ATÜNNAK 27:37

Isaak naw, “Ani cu nang ah bawi ah ka pyan pyi, mi ng’khaw chang gui avan ani ah changshäm ah ka k’bäi pyi, htang m’guh la sapyit avan ka ap pyi, tuhbäi nang ah phäh ah a i phi kä ka bi ba thei ci nei, ka hta aw” cine pyen nak ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

JOEL 3:8

Kei naw nami hta hnumi, hta pami gui cu, Judah chang gui ah ka yoih sak gui khai; ngami naw mä shonu ciah Sabean gui ah yoi ba gui khai gui, kei, Bawipa naw ka pyen nei.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.