AMOS 9:1 - Cho Bible Common Language 2016

¹ Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

AMOS 9:1 Referans Kwoze

SAM 68:21

Cheishoh nak ung khäng ne hteit ciah a gaa gui ah lu cu Khanpughi naw cheiuh khai.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.

ISAIAH 6:1

Ghangpughang Uzziah asih kum ung, kei naw Bawipa ka hmuk ci. Ani cu hlüngtai ciah amang kiang ung ngok ci. Ani ah suinu naw Taigüim avan be sak ci.

JOHAN 1:32

Cun kawn ah Johan naw, “Müüm bawk ah mäih lawk ciah Mumcha Theing cu, khankho ah kaa kyum law ne, alu khan ah ngo law sei ka hmuk ci.

ZEPHANIAH 2:14

Cun ah hmun cu htawme gui, sei gui, khisa gui pang naw ng’baw nak khai gui. Pängpät kha gui cu a shet nak ung om u ne, khashe gui cu m’kawt ung m’lau khai gui. Cachit gui phi hlaak ung kai lawk khai gui. Im ami cawh nak ah k’peen gui phi hoce khai gui.

EZEKIEL 10:4

Bawipa ah om nak ah khang ciah aktei cu khiküi gui ungka tho ne, Taigüim valuh nak täng ah vang nawn ci. Cun kawn ah khongmei naw Taigüim be sak ci, im kyong cu dei ne khang ci.

EZEKIEL 9:2

A cun vai am Chang Chuk cu a siiptäng taigü Im kawt ah akpung täng ungka lawk ci gui, likhim kawt bäng bäng ci gui. Ngami awn atäng ah linen sui sui ciah Chang tumat cu guk nak vai kawt ne law tuk ci. Ngami ami van law u ne kyei sonkiang pei ah ng’düi ci gui.

EZEKIEL 1:28

Cun ah avai gui avan cu zapi ah mäih ah kyak ci. Shin cu Bawipa ah om ah mawng dang sak ciah akdei khang ah kyak ci. Kei naw cun cu hmu neta m’dek ung ka hmai gawk khai ah ka kiuk ci. Cun kawn ah ka ng’yak ah k’aw cu,

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

ISAIAH 30:16

Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

2 SHONTÄP NAK 18:18

Mikaiah naw a pyen ba mä cu, “Tuhbäi Bawipa naw a i a pyen cu ngai vä! Bawipa cu khankhaw ah a mangkiang ung ngo sei, a pei ung a khanchang gui ami van ng’düi ci gui.

LAMKTU 26:13

Cun ah kami hteh yah, kho hnüüp lunglai ung, hni ah dei pi ciah ak dei cu, khankho ah kaa kya law ne, veing ne na shü law sei ka hmuk ci, kami ng’gui ci gui naw phi hmu tuk ci gui.

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

SAM 68:22

Bawipa naw, “Kei naw Bashan ah ka nami gaa gui cu ka law püi ba gui khai; Tuinu li thuk ungka ngami cu ka khui ba gui khai,

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

JEREMIAH 42:16

Nami kyih ah ng’tuk nak naw ning k’phaa law gui khai, nami kyihkyawk ah ei cawi nak naw ning läk law gui khai, nangmi cu Egypt ah nami sik khai,

EZEKIEL 15:7

Ka m’kyuk gui khai. Ngami cu mei tumat phiawn nak ci gui, cung phi tuhbäi mei naw ui gui khai. Kei naw ngami ka m’kyuk law gui ung nangmi naw kei Bawipa ah ka kyak cu name hmat khai nei.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

JOSHUA 10:18

Ani naw, “Lung khui ung valuh nak vai ung lungnu gui yuk täng neta, chang gui am ngäng sak gui ä,

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.