AMOS 8:9 - Cho Bible Common Language 2016

⁹ Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

AMOS 8:9 Referans Kwoze

MAKUH 15:33

Kho hnüüp lunglai ung tün ne kho k’awi nayi thum güt ung khomdek khan avan cu mü ne hmüp yawp ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

LUKA 23:44

Kho hnüüp ng’lung ung tün ne kho k’awinu a khin ung khüt khai ah khomdek khan avan ung khohni kä dei ba ne shitne hmüp yawp ci.

JEREMIAH 15:9

A hta chih maih ciah nu nu cu ng’gäih pyi ci nei, ang ghi kä ng’täi ba ci nei. Ani ah khok dei cu mühmüp ah ng’hlat ci nei; ani cu thüisei ne amlung kyong na pyi ci nei. Ghing ba shut ciah cun ah nangmi cu nami ga gui am ka ning ngawn sak gui khai nei. Kei, Bawipa naw ka pyen nei.”

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

MIKHAH 3:6

“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

JOB 5:14

Kho hnüüp phi hmüp khui ah mäih ah ng’vaak ci gui.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

EZEKIEL 32:7

Kei naw nang ka ning m’di law ung kei naw khankhomik shung ne, aisi gui cu ka maih sak khai. Khohni cu ng’mei naw shung khai, cha cu kä vai ba khai.

ZEKHARIAH 14:7

Khaw ah hmüp nak phi kä om ba khai, ng’täi sei hnüüp khaw dei ah kyak khai, mü ah phi dei khai. Cun ah a kyak law vai khin cu Bawipa bäng naw hmat ci.