AMOS 8:8 - Cho Bible Common Language 2016

⁸ Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

AMOS 8:8 Referans Kwoze

AMOS 9:5

M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

JEREMIAH 46:8

Nile tuinu ah mäih ah let ne, Tuikam be sei long ciah tuinu ah mäih ah kyak ci. Egypt naw pyen ci, “Kei cu tholet ne khomdek khan ka küm khai; kei naw mang gaw gui la acun ung om ciah chang gui cu ka m’di khai.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 46:7

A u ang, Nile tuinu ah mäih ah let lawk ci, Tuikam ung be ne long ciah tuinu ah mäih ah kyak ci?

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.