AMOS 8:7 - Cho Bible Common Language 2016

⁷ Bawipa Israel gui ah Khanpughi naw, ng’taam ne a pyen cu, “Ngami naw akshe ami b i gui cu kei naw kä ka m’hnih phung khai nei.

AMOS 8:7 Referans Kwoze

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

SAM 10:11

Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

JEREMIAH 17:1

Bawipa naw pyen ci, “Judah chang gui, nami katnak cu m’si gong awn guk nei: cu na katnak cu nami m’lung kyong ung pyülung m’si awn gu ne, nami sonkiang gui ah akit gui ung vüt ne m’hluh nei.

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

SAM 47:4

Mi om nak vai kho ng’lei na ghü pe gui ne, am hni ah chang gui-am mang nak khawh k’peeih na pe gui ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

SAM 68:34

Khanpughi ah hlüngtai nak cu ng’shäu vä; A huham naw Israel khaw küm ne, A hlüngtai nak naw khan kho kpha ci nei.

PHYAWN NAK 17:16

Ani naw, “Bawipa ah Näng nak Alan cu ak hlüng ah kawt vä! Bawipa naw Amalekit gui cu ng’tuk püi gui lä khai nei” cik ci.

JEREMIAH 44:21

“Nangmi la nami pupa gui, nami ghangpughang gui la nami bawi gui, la khaw ung chang gui naw, Judah gawnu gui la Jerusalem lam gui ung ami khawihnah gui — cun ah mawng gui cu Bawipa naw kä hmat ciah käcung m’hnih ciah nami ngai ne ma?

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

JOB 24:23

Khanpughi naw ani cu üp oi nak pe hngaw khai, cun ung phi ani cu teng keng geng khai nei.

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

ISAIAH 22:14

Uktu m’gäi ciah Bawipa amät naw kei na ng’thu püi ne a pyen cu, “Shin ah akshe ah phäh ah ngami ami ghin ah chuih kä m’geinsei gui vai nei. Kei, m’gäi ciah uktu Bawipa naw ka pyen nei.”