AMOS 8:4 - Cho Bible Common Language 2016

⁴ Ngai vä, dukhaih ci shedam na ne, pyamtham ciah khaw m’di ciah chang gui.

AMOS 8:4 Referans Kwoze

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

NG'THU K'THUUK~ 30:14

Dukhaih ci la pyamtham ciah chang ah kaa m’ghämce ne guh pek ciah chang gui om ci, cun cu ngami naw ami hnun ami m’ghin nak ah lam ah kyak ci.

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

SAM 140:12

Bawipa, geinvai ci gui ah mawng shung ne, dukhaih ci gui ah lam na m’htei cu ka hmat ci nei.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

AMOS 7:16

Tuhbäi Bawipa naw a i a cicu ngai vä. Nangmi naw ka ng’cä nak ka ng’düm vai, Israel gui hnungtuk ne ng’thu cu ka ng’düm vai ah na mi pyen ci.

JEREMIAH 28:15

Kei naw shin cu Hananiah am m’thein neta ka k’be ba cu, “Ngai ä, Hananiah! Nang cu Bawipa naw kä ning tüi ci, nang naw shin ah chang gui naw hleei ami yum vai ah na bik ci.

ISAIAH 28:14

Tuhbäi Jerusalem ung shin ah chang gui, m’gäimäk ne uk ci gui, Bawipa ah thu pyen cu ngai vä.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

SAM 56:1

O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.

JOB 24:4

Du khaih ci gui naw ami gah tu vaisü phi m’chei pek ci gui, pramtham ci gui phi dawng sak ne ng’thuh sak ci gui.

EZEKIEL 45:10

“Chang nü naw ng’düng ciah näu nak la nüt nak cu amang vai nei:

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

SAM 10:7

Ang’thu cu ng’plah tang, hleeihlak, shedam nak awn be ci. Ani cu ng’thushe, shai kaa ah thu ghet ci.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

MIKHAH 3:3

Ka chang gui cu nami ei gui ci. Ami vun nami lim ci, ami guh nami chawm ci, shon vai ah meh ah mäih ah nami m’sa gui ci.

ZEKHARIAH 5:6

Kei naw, “Cun cu a i ang?” cine ka ng’shik ci. Ani naw, “Cän cu dawn ah kyak ci nei, acun naw khaw avan ah shetkat nak cu m’dang ci nei” cik ci.