AMOS 8:2 - Cho Bible Common Language 2016

² Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

AMOS 8:2 Referans Kwoze

AMOS 7:8

Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.

NG’ÄI KYAH 4:18

Ga naw na ngäng gui ci, mikmi lam ung phi kä mi hteit hton hning ci. Mikmi ah hnüüp gui cu ng’phlan pyi ci, khaw ang pyi nak cu gawk lawk ci.

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

ZEKHARIAH 5:2

Khanchang naw a i ka hmuh cu na ng’shi khäta, kei naw, “Ca k’tom cu khawkhi ung yawng ci; cun cu ayun dawng m’ku, akdang dawng gha lawk ci.”

EZEKIEL 12:23

A cun ah mawng kei, uktu Bawipa naw ka pyen law vai cu m’thein gui ä. Cun ah ng’thu thuuk cu kei naw ka ng’pyi sak khai nei. Cun cu Israel ung a u naw kä pyen ba khai nei. A cun nak vaisü ung shi cha ah m’thein gui ä: Akhin cu gawk lawk ci, ng’cängbang nak gui phi bä lawk ci!

EZEKIEL 8:17

Bawipa naw nap yen nak ci, “Hnicim Chang, cän cu nah mu ne ang? Judah Chang gui cu shin ung nang naw na hmuh ah mäih ah shemshai ci gui avan ami awn kä ng’büh u ne, khopäng avan ung kiawi m’saa nak cu püi sak ci gui nei. Cun bäng ah kä kyak ciah ngami cu Taigüim mät ung law u ne, shin gui bi u ne, kei cu na m’lungshe sak pi ci gui nei. Ngami naw akshe pi ah bilo ne kei ami na khedam nak cu teng ä!

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

EZEKIEL 8:6

Khanpughi naw nap yen nak ci, “Hnicim Chang, ai, i ah a kyak cu nah mu ne ang? Shin ung Israel Chang gui naw ami bi ah shemshai ci gui cu teng ä, ngami naw kei cu theingcim ciah hmun ungka naw ng’shawng law pi ng’shawng law pi khai ah nak täm ci gui nei. Nang naw Shin ah ta thüisei pi vai kyak ci gui cu na hmuk khai nei.”

EZEKIEL 7:6

Avan ng’kawn ci. Shin cu angpyi nak nei. Nangmi name ng’pyi ci.

EZEKIEL 3:10

Khanpughi naw k’täi ne, “Hnicim Chang, kei naw ka ning m’thein gui phung cu geing na ne ngai ne na shüm ba vai nei.

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.

JEREMIAH 40:10

kei ka mät phi mizpah ung ka om khai, shin ung Babilonian gui ami law ung kei cu nangmi ah hnün ung ka ng’düi khai nei. Nangmi cu sapyit tui, sing theih gui la oliv-situi gui m’sep ne bum ne nami pigaw gui ung om vä.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 28:4

Chang ah ng’shei ci gui ah ang vai gui ah baimang nak cu, a up vai am k’bit ne ei yawp vai ah m’theih htük ciah k’thei ah mäih ah mäih yawp khai.

EZEKIEL 29:8

Tuhbäi, kei uktu Bawipa naw ka ning m’thein gui cu, kei naw nangmi khim awn ning tu gui khai ah ga gui cu ka thäh gui khai, ngami naw na chang ah kä om nak a ghawn khai gui.

ATÜNNAK 6:13

Khanpughi naw Noah am, “Hniciim chang ah ng’pyi nak vai cu ka k’bäi pyi ci nei. Khomdek khan cu cheishoh nak awn be ci kyasei, ka m’dii khai nei.

AMOS 8:1

Uktu Bawipa ungka kei naw ahei ka mik hmu ba ci. Acun ung sing theih dawn tumat cu ka hmuk ci.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.