AMOS 8:14 - Cho Bible Common Language 2016

¹⁴ Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”

AMOS 8:14 Referans Kwoze

AMOS 5:5

Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”

THULÄÄN NAK 9:21

Nangmi naw nami bi ah katnak cu kei naw ka lak ci, m’sii awn pyan ah seipat gup cu mei ung ka shum ci, khui ne ng’piäuh khai ah ka shuh-gep ci. M’vut ung m’dawn neta, m’vut cu m’htung ah ka long lawk ciah tui ung ka shum ci nei.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

LAMKTU 19:23

Cun yah ung Ephesus ah Bawipa ah mawnglam ah hmawk ah thüngkyüng thüngphyong nak om ci.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 18:25

Ani cu Khanpughi ah bilawh mawnglam phi ngaiya theithang ciah kyak ci, Bawipa Jesuh ah ng’düng ciah amwng ama gui cun phi k’thamah nak awn pyeinsa ne, m’theithang ci. Cun ung phi ani naw Johan ah tui hnim nak bäng hmat ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

AMOS 5:2

Lamihta Israel cu kyu ne ng’yän ci nei. Kä tho law ba hlawt ci! Ani cu khomdek ung amät bäng ng’yän ci, a u naw kä m’tho tuba ci.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

JEREMIAH 51:64

Cun kawn ah na pyen vai, ‘Shin cu Babilon ah khan ah gawk lawk khai ah amawng nei — Cun cu hniim ne, kä phong law bap hung khai, a i ah kyasei ci ung cun cu ani ah khan ah Bawipa a law püi vai ah dishum nak ah a kyak ah phäh ah kyak ci.’” Jeremiah ah ng’thu cu shin ung ng’pyi ci.

JEREMIAH 25:27

Bawipa naw kei cu na pyen nak ci, “Kei, m’gäi ciah Bawipa, Israel khanpughi naw ka thumkhän gui cu chang gui am m’thein gui ä, ngami hnungtuk gui khai ah kei naw ka tüih law ng’tuk nak awn awktat ne m’sha ne, kyu ng’täng ne kä ami thawh law ba hning güt ung ami awk vai nei.

ISAIAH 43:17

Ani naw m’gäi ciah gakap gui m’di gui ci, yatha la ng’se gui phi m’di gui ci. Ngami cu kyu ne ng’tak ci gui, kä tho ba ci gui, meikdäi k’phät ah mäih ah kyak ci gui!

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

SAM 140:10

Ngami cu mei k’cak naw kyak gui sä; Ngami cu khui m’gawng ung zu chah gui u sä, kä lut en law ba hlawt u sä.

SAM 36:12

Changshe gui cu kyu ne ng’zän ci gui nei, ami ng’zän nak ung ka, kä tho ba hlawt ci gui nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 GHANGPUGHANG GUI 10:29

Cun ung phi ani naw ghangpughang Jeroboam ah katnak cu läk ci. Ani naw Bethela la Dan ung ghui seipat-gup gui pyang ne khawihnah vai ah cine Israel gui katnak ung hteh püi gui ci.

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

1 GHANGPUGHANG GUI 14:16

Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.

1 GHANGPUGHANG GUI 12:32

Jeroboam naw yumnak ah mangpawi cu acha cheit ah hnüüp gha lei hma ung bi vai ah k’bäi ci, cun cu Judah ung pawi ah mäih ah kyak ci. Bethela ah sonkiang ung amät ah pyan ah ghui vantang-gup gui am khawihnah nak cu douthak ci, ani naw a cu ah Bethela ung a cawh ah khawihnah hmun ung bii bik khai ah taigü gui phi tha gui ci.

THULÄÄN NAK 33:11

Bawipa, ami pakhui khüighat khai ah m’hteihtang gui ä. Ngami ah ami bilawh cu yei na gui ä. Ami ga avan deng gui ä, Kä thawh en ba sak gui ä.”

ISAIAH 24:20

Khomdek amät cu awktat ciah chang ah mäih ah kyu shüi shüi khai, puikho khi ung phung hta ah mäih ah ng’khän shüi shüi khai. Khomdek cu a katnak naw geih khüp ci, cun cu yung kyak khai, a i sang ung phi kä tho law ba khai.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.

NG'THU K'THUUK~ 24:16

Düng ciah chang cu a i chü vei a kyuk ung phi a i ah kä kyak ci. Angtäi sei tho ba ci, cun ung phi chang shekha cu leigai naw m’di ci.

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.