AMOS 7:8 - Cho Bible Common Language 2016

⁸ Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.

AMOS 7:8 Referans Kwoze

AMOS 8:2

Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

ISAIAH 28:17

Taga nak cu angnei nütak-gui ah kyak ci, düng nak cu a cun khinnak-gui ah kyak ci.” Gäinu naw nami düihnak ah hleei hlak nak cu avan hteh yawp khai, tui k’law naw nami ng’shungshet nak cu m’di yawp khai.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

ZEKHARIAH 5:2

Khanchang naw a i ka hmuh cu na ng’shi khäta, kei naw, “Ca k’tom cu khawkhi ung yawng ci; cun cu ayun dawng m’ku, akdang dawng gha lawk ci.”

ISAIAH 34:11

Pängpät gui la kap gui naw khaw avan cu om nak khai gui. Bawipa naw shin cu a i kä a tüisho pha ung kaah mäih ah khohäu ah kyak sak khai.

AMOS 7:7

Bawipa ungka kei naw ahei ka hmu bamä ci. Ani cu paang ah pei ah ng’düi sei ka hmuk ci. Cun ah paang cu nüt gui awn nüt he ami cawh ah kyak ci. Cun ah nüt nak gui cu ani ah kut ung om ci.

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.