AMOS 7:4 - Cho Bible Common Language 2016

⁴ Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

AMOS 7:4 Referans Kwoze

AMOS 7:1

Uktu Bawipa ungka kei naw tumat ka hmuk ci. Ghangpughang ah ka khu m’sai ami ah pyi cu lim law ba u khäta, ani naw khanpeh ng’hlom ät cu tui pyang sei ka hmuk ci.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

HEBRU 1:7

Cun ung phi khanchang gui ah mawng a pyein nak ung, “Khanpughi naw ak khanchang gui cu, khokhi ah pyang gui ne, ak changshäm gui cu meidäi ah pyang gui ci,” ci ne pyein ci.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

AMOS 7:7

Bawipa ungka kei naw ahei ka hmu bamä ci. Ani cu paang ah pei ah ng’düi sei ka hmuk ci. Cun ah paang cu nüt gui awn nüt he ami cawh ah kyak ci. Cun ah nüt nak gui cu ani ah kut ung om ci.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

AMOS 1:7

Cun ah kyasei kei naw Kaza mang gaw paang ah khan ah mei yuk chah ne a mang paang cu ka m’khih khai.

AMOS 1:4

Cun ah kyasei kei naw ghangpughang Hazela ah cawh ah mang im ah khan ah mei ka yuk chah khai. Ghangpughang Benhadad ah mang paang cu ka m’khih khai.

JOEL 2:30

“Kei naw cun ah hnüüp ung khomik la khomdek ung thukbäi cu ka pek khai; si long ne, mei ui ne, khongmei khu khai.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

TAIGÜTHUM 10:2

Ang ghit ah Bawipa naw mei yuk chah law sei, acun naw Bawipa ah ma ge ung sik khai goi ah k’ui goi ci.

JOEL 1:19

Kyap ne ka ng’pa ci nei, Bawipa, a i ah kyasei ci ung khu lim gui la sing gui cu chawng yawp ci, cun gui cu mei naw ui yawp ci nei.

AMOS 2:5

Cun ah kyasei kei naw Judah ah khan ah mei ka yuk chah khai, Jerusalem ah mang paang cu ka m’khih khai.”

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.