AMOS 7:17 - Cho Bible Common Language 2016

¹⁷ Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

AMOS 7:17 Referans Kwoze

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

EZEKIEL 4:13

Bawipa naw pyen ci, “shin cu kei naw ngami a khaw hei ah ka püi pyang law sak gui ung, Israel gui naw ami ei vai ah thukhän naw ak pan ah ei ah mawng ah kyak ci.

JEREMIAH 28:16

Cun ah kyasei ani naw nang cu ning k’täm khai ah Bawipa amät naw pyen ci nei. Shin ah khokum kä angpyi pha ung nang cu na sik khai, a i ah kyasei ci ung nang naw chang gui am Khanpughi hnungtuk püi u ne ami ng’tuk püi vai ah na pyen ci.”

AMOS 7:11

Shin cu ani ah ng’thu nei, “Jeroboam cu ng’tuk nak ung sik khai, Israel chang gui cu ami khaw ungka omktu ah hteh püi gui khai gui’ ” cik ci.

JEREMIAH 29:21

“M’gäi ciah Bawipa, Israel Khanpughi naw Kolaiah ah hta Ahab la maaseiah ah hta Zedekiah ah mawng cu pyen ci, ngami naw kei ah min ung ami hleei ning m’thein gui ci gui. Ani naw pyen ci, Babilonia Ghangpughang Nebukhadnezzar ah huham ung ani naw ngami wap gui khai, ani naw ngami cu nami hmuh ah sih nak pe gui khai.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

NG’ÄI KYAH 5:11

Kami chu gui cu Zion m’htung a mät ung ami k’pyei gui nei. Judean pigaw päng ung kami hta hnumi gui cu, ami ng’kia vai ah ami k’tut gui nei.

JEREMIAH 28:12

Api Shou hta khäta Bawipa naw na pyen nak ci,

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

AMOS 6:7

Cun ah kyasei nang cu omktu ah na hteit ma khai. Na mang pawi la na ng’huutcam nak cu ng’pyi khai.

AMOS 8:1

Uktu Bawipa ungka kei naw ahei ka mik hmu ba ci. Acun ung sing theih dawn tumat cu ka hmuk ci.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

MIKHAH 1:16

Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.

ISAIAH 22:18

Ani naw nang cu zailung ah mäih ah ning kaih hlit ne, akdäm ah ng’shawng pi ciah khaw ung ning ghawt khai nei. Nang cu na khähghah nak aih ah yatha gui ah pei ah na sik khai nei. Nang cu na bawi ah mang im m’thüi ng’an ciah na kyak khai nei.