AMOS 7:15 - Cho Bible Common Language 2016

¹⁵ Cun ung phi htoshäm bii ka bi nak ungka Bawipa naw na k’thäh ne, hteit ne a chang gui Israel gui ka k’cä gui vai ah na k’bäi ci.

AMOS 7:15 Referans Kwoze

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

LAMKTU 5:20

“Nangmi cu Taigüimah hteit u netah chang gui am ghin nak akthai ah mawng m’Thein gui vä” cik ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

1 SAMUEL 10:11

Ani hmat pyi man ciah chang gui naw shin ah a kyak tu cu hmuh u neta, ami mät ng’shi tuk ci gui. “Kish ah hta cu a i ah ang a kyak law? Saul cu prophet ah kya law ne ang?” cik ci gui.

JEREMIAH 26:12

Cun kawn ah kei naw ka pyen ci, “Nangmi naw nami ng’yak ah shin ah Taigüim la shin ah mang gaw hnungtuk ne ang nü nü ka ng’shäu khai ah kei cu Bawipa naw ana tüih law nei.

1 GHANGPUGHANG GUI 19:19

Elijah cu acun ungka naw hteit neta vantang bum awn lai thawn ne om ciah Elisha cu hmuk ci; ani ah ma ung vantang bum gha lei ät naw lai thawn ci, ani cu ak hnu bäih bum ät awn thawn ci. Elijah naw a suinu cu suut neta Elisha am m’sui ci.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?