AMOS 7:14 - Cho Bible Common Language 2016

¹⁴ Amos naw, “Kei cu ng’cheng dou ne ng’cäbang ciah prophet ah mäih ah kä ka kyak ci. Kei cu sei shäm ciah ka kyak ci, theising gui ka m’htei ci.

AMOS 7:14 Referans Kwoze

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

ZEKHARIAH 13:5

Cun nak vaisü ung ani naw, “Kei cu kä prophet nei, kei cu lo k’bi nei — kei cu ka ghin ah chuih lo ka bik ci nei” cik khai.

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

2 GHANGPUGHANG GUI 2:5

A cu ah om ciah prophet ng’bum gui naw Elisha hteh shi neta ng’shik ci gui, “Tuh ngawi Bawipa naw na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

2 GHANGPUGHANG GUI 2:3

A cu ah om ciah prophet bum gui naw Elisha hteh shi neta ng’shik ci gui, “Tuhngawi Bawipa naw, na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

2 SHONTÄP NAK 20:34

Jehoshaphat ah bi gui nü, a uknak a tün nak ungka naw a pyi nak ung khüt cicu Israel ghangpughang gui ah a mawng amshah ah kyak ciah Hanani ah hta Jehu ah mawng ami guk nak ung guk ah kyak ci.

2 SHONTÄP NAK 16:7

Cun yah ung prophet Hanani naw ghangpughang Asa ah hteit neta a pyen nak cu,” Nang naw Bawipa na Khanpughi na ng’ge ng’pai nak vaisü nak ung Siria ghangpughang na ng’ge ng’pai püi ah kya ne, Israel ghangpughang gakap cu phyawn pyi ci nei.

2 GHANGPUGHANG GUI 6:1

Hnüüp ät ung Elisha ah aka ung om ciah prophet gui naw ami pyen law cu, “Kami om nak ah hmun cu yaw hta aih ci!

2 GHANGPUGHANG GUI 2:7

prophet hmakip naw Jordan ah khüt ne läk gui ci gui. Elijah la Elisha cu tuinu pei ah ng’düi ni sei, prophet hmakip cu ng’shawng pi pi ne ng’düi ci gui.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

1 SAMUEL 10:11

Ani hmat pyi man ciah chang gui naw shin ah a kyak tu cu hmuh u neta, ami mät ng’shi tuk ci gui. “Kish ah hta cu a i ah ang a kyak law? Saul cu prophet ah kya law ne ang?” cik ci gui.

1 GHANGPUGHANG GUI 19:19

Elijah cu acun ungka naw hteit neta vantang bum awn lai thawn ne om ciah Elisha cu hmuk ci; ani ah ma ung vantang bum gha lei ät naw lai thawn ci, ani cu ak hnu bäih bum ät awn thawn ci. Elijah naw a suinu cu suut neta Elisha am m’sui ci.

2 GHANGPUGHANG GUI 2:15

Jerikho ah ka prophet hmakip gui naw ani cu hmu u neta, “Elijah ah huham cu Elisha ung gawk ci nei” cik ci gui. Ngami naw ani hteit ne hmu u ne, ama ah m’khuukdong u neta,

JOB 30:4

Ngami naw kho ng’gau kho ah sing phung hta gui cu mawi ne ei ci gui. Kä tui hlim ciah phaipheih sing ah a pya phi ei ci gui.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?