AMOS 7:12 - Cho Bible Common Language 2016

¹² Cun kawn ah Amaziah naw, Amos am, “Prophet aw, na cängbang cu bä khai nei! Judah ah hteit ba ne ng’thu pyen ba ä. Acun ah phäh ah ning pe u sä.

AMOS 7:12 Referans Kwoze

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

MATTHE 8:34

Cun ah kyasei pigaw ah chang avan cu Bawipa Jesuh ah om nak ah gawk lawk ci gui. Bawipa Jesuh cu hmuh law u netah, ami kho ung kä a om ba lä vai ah ng’ge püi ci gui.

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

LAMKTU 16:39

Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

AMOS 2:12

Cun ung phi nangmi naw Nazirit gui cu yu nami awk sak gui ci, prophet gui naw ka ng’thu kä ami pyen vai ah nami k’bäi gui ci.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

AMOS 7:11

Shin cu ani ah ng’thu nei, “Jeroboam cu ng’tuk nak ung sik khai, Israel chang gui cu ami khaw ungka omktu ah hteh püi gui khai gui’ ” cik ci.