AMOS 6:8 - Cho Bible Common Language 2016

⁸ Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

AMOS 6:8 Referans Kwoze

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

JEREMIAH 51:14

M’gäi ciah Bawipa naw amät ah ghin nak awn ng’taam ci, ani naw Babilonia tuk khai ah chang akda cu khimpea ng’son ah mäih ah law püi khai, ngami cu näng nak awn m’lau khai gui.

AMOS 8:7

Bawipa Israel gui ah Khanpughi naw, ng’taam ne a pyen cu, “Ngami naw akshe ami b i gui cu kei naw kä ka m’hnih phung khai nei.

SAM 47:4

Mi om nak vai kho ng’lei na ghü pe gui ne, am hni ah chang gui-am mang nak khawh k’peeih na pe gui ci.

AMOS 3:11

Cun ah kyasei ga naw ami khaw cu koi khai, ami gaw shungvong nak cu m’di khai, ami im nu gui ungka cu guttep gui yawp khai gui.”

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

SAM 78:59

Khanpughi naw cun cu hmu neta m’lung she ci, akchang gui cu akbät ah hnu ng’tuk püi gui ci.

SAM 50:12

“Kei cu ei ka cawi ung phi kä ka ning yoi khai, m’dek khan ung om ci avan cu kei ah ka ah kyak ci.

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

ATÜNNAK 22:16

“Ka mät ah ming awn thukhän ka bik ci — Bawipa naw pyen ci — na htapa ah kä ng’vang ne, na na pek ah phäh ah aküikyang ah hriham ka ning pek khai.

JEREMIAH 12:8

Kei ah ka ghü ah chang gui naw na hnu na ne na ng’hlah tak ci gui nei; khopya ah om ciah kawng ah mäih ah kei cu na m’ngawng ci gui, cun ah kyasei kei naw ka thüi na gui ci.

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

HOSEA 11:6

Ng’tuk nak naw ami mang gaw gui cu pheet gui khai. Mang gaw m’kawt gui ng’gäi ci gui, ka chang gui cu acun naw m’di gui khai. A i ah sei ci ung ami mät naw nipi khai amki ngaih ah ami bi ah phäh ah kyak ci.

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

AMOS 5:21

Bawipa naw, “Zumnak ah nami pawi gui cu kei naw ka thüi nak ci, kei naw kä ka m’düih gui hlawt khai!

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

JEREMIAH 22:14

“Kei naw mang im nu co ne akhan ah akhan ang shawng gui akda ka pyang khai” ci ne khähghah cicu ng’ziin nak om ci. Ani naw a im ung m’kawt gui pyang ne, cedar sing awn pyang ne a sen awn hluk ci.