AMOS 6:4 - Cho Bible Common Language 2016

⁴ Ih phak ak hnip ung ng’yän ne, sei hta la htome hta ah sa ei ne na om cu, a i hlawk ah kyih vai ah kyak ci ang?

AMOS 6:4 Referans Kwoze

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

SAM 73:7

Ami m’lung ung akshe ah phu ne, ami m’sin naw ak kaa bäng pawng püi ci.

ESTA 1:6

Duum ah akyong ah ngui lawi awn ak hnga ami pyan ah toulung k’tung gui ung, yidung amkim la a bawk gui cu, linen pyai akni awn khawng ne tai ne cüiche ci gui. Ghui la ngui awn ami pyan ah ngoh ng’yän nak vai gui phi, cun ah duum ung tha ci gui. Cun ung toulung, lungsen vai, kikong lung la lung m’kim gui cu phah ci gui.

JEREMIAH 16:8

“Ami ng’ei awk nak ah cun ung kä nami luh vai. Ngami awn ei awk vai ah kä nami ngoh en tu vai.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

EZEKIEL 23:41

Ngani cu ngoh nak akiom ung ngok ci goi, ani ma ah tawng lang ung akni gui be ci, kei naw ka pek gui ah ang ui gui la olive-situi gui mah ah kyak ci.

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

ATÜNNAK 37:25

Cun kawn ah ei ami ei yah ung Ishmaela ah chang bum gui cu tui ng’ui sing pli gui kalauk am k’phuih u ne, Kilead khaw ah kaa Egypt khaw ah hteit khai gui ah law u sei hmuk ci gui.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.