AMOS 6:2 - Cho Bible Common Language 2016

² Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

AMOS 6:2 Referans Kwoze

NAHUM 3:8

Nineveh, nang cu Egypt mang gaw Thebes ah Na bä pi ne ang? Ani ung phi k’paang ah mäih ah A yii vai tuinu om ci — Nile tuinu cu ang shung Nak ah kyak ci.

2 GHANGPUGHANG GUI 18:34

Hamath ah Arpad khanpughi gui cu tuhbäi a hawi ang? Sepharvaim, Hena la Ivvah khanpughi gui cu a hawi ang? Samaria cu hun hning khai om ne ang?

ATÜNNAK 10:10

Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.

1 SAMUEL 17:4

Gath mang gaw ung ka Koliath ming nak ciah chang cu Philistin phung ung ka lut law ne Israel gui cu gheet taap gui ci. Ani cu dawng chuk la khap ah ng’sau ne,

2 GHANGPUGHANG GUI 19:13

Hamath, Arpad, Sepharvaim, Hena la Ivvah mang gaw gui ah ami ghangpughang gui cu a hawi ang?”

2 GHANGPUGHANG GUI 17:30

Babilon chang gui naw Khanpughi Sukkoth Benoth ah gup; Kuth chang gui naw Nerkala ah gup; Hamath chang gui naw Ashima ah gup;

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

1 GHANGPUGHANG GUI 8:65

Acun ah Taigüim ung Solomon la Israel chang gui ami van naw ng’yii nak ah pawi cu hnüüp chih ung bik ci gui. A cu ah chang akda läpläp cu a siiptäng ungka, Hamath khok’hteng, a i ah kyasei ci ung Bawipa naw a changshäm David la Israel chang gui am a pek gui ah hriham avan ah hmawk ah kyak ci.

1 SAMUEL 17:23

Ani naw ang htau püi gui yah ung, Koliath cu ng’phäi law ba ci, a cita ah mäih ah Israel gui cu gheet taap ba gui ci, cun cu David naw ng’yak ci.

1 SAMUEL 5:8

Cun ah kyasei ngami naw, a hei Philistin ghangpughang hma cu a täng ah khü gui u neta, ng’shi gui ci gui, “Israel Khanpughi ah Thukhän M’küm cu a i ah mi cik khai ang?” Ngami naw, “Gath ah hteh püi vä” cik ci gui. Ngami naw Gath ah hteh püi ci gui, cun cu Philistin mang gaw tumat ah kyak ci.

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”

2 SAMUEL 8:9

Hadadezer ah gakap gui avan David naw a hnim cu Hamath ghangpughang Toi naw ng’yak ci.