AMOS 6:11 - Cho Bible Common Language 2016

¹¹ Bawipa naw ng’thu a pyen law ung im kawm, im yaw ng’phye ne maih khai.

AMOS 6:11 Referans Kwoze

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

AMOS 9:9

“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

ISAIAH 13:3

Bawipa naw m’tam ne ang ngaih gep ah gakap gui cu khü gui ci, theingciim ciah ng’tuk bi vai la am lungshe nak ah chang gui m’kyuk gui vai ah kyak ci.

THUSHÄUTU 10:18

Chang tumat cu dam aih ne, a im k’cih nak kä a pyan ba ah akyak ung, ak cih cu htee ne, im cu ng’phyek khai nei.

SAM 105:34

Ani naw k’thäh khäta, kä khei taai vai ah m’kha gek gui cu law u ne,

SAM 105:31

Khanpughi naw k’thäh gui sei, kho avan ung k’pi la k’pikhai bäng ah ng’hlom ci.

SAM 105:16

Bawipa naw ami kho ung kho zaw sak ci, ami ei avan maih sak ci.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.