AMOS 6:10 - Cho Bible Common Language 2016

¹⁰ Sik ciah mätyah, sih htüm nak ung tängpang ci naw gook cu im ah k’pung ah luh law püi khai. Cun ah mätyah naw im kyong ah om ba cicu khü neta, “Nang awn atäng ah tumat mat om ba ne ang?” cine ng’shik khai, chang naw “Ka nei” cine m’shang khai. Cun kawn ah mätyah naw, “Düm ah om vä, mi geing nak khai, Bawipa ah ming phi kä mi pyen khai” cik ci.

AMOS 6:10 Referans Kwoze

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

1 SAMUEL 31:12

a m’gäipi bäih düi law htük khäta, amü pum hteit ne Beth Shan ah lawk ci gui. Ngami naw Saul la a hta gui ah pum sa gui cu k’pang ung ka la u neta, Jebesh ah hteh püi ba u ne, m’khih ne m’cim ci gui.

AMOS 5:13

Cun ah kya sei, cun ah akshekha ah khin ung düm ah om cu akbä ah bii bi ah kyak ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

KHEI NAK 17:12

Israel chang gui naw Moses ami pyen nak cu, “Cän cu mi ng’pyi nak ah kyak ci nei!

2 GHANGPUGHANG GUI 23:16

Cun kawn ah Josiah naw khogui khan ah ng’phuh hmun gui cu teng ne hmu neta guh gui cu la ne, sonkiang ah khan ah m’khih ci. Ani naw cu cha ah sonkiang cu m’shet ci, cun cu pawi ami bi sang ung Ghangpughang Jeroboam cu sonkiang pei ah ang düih yah ung prophet naw a pyen ah mäih bä ah kyak ci. Ghangpughang Josiah naw shui ne teng neta, cun ah ng’cäk ciah prophet ah ng’phuh hmun cu hmuk ci.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.