AMOS 6:1 - Cho Bible Common Language 2016

¹ Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

AMOS 6:1 Referans Kwoze

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

JEREMIAH 49:31

“Law vä! phiawn nak ngaih gep nak om ci, cik ciah chang gui tu gui vä! Ngami ah mang gaw gui cu m’kawt gui, khai nak gui akni kä om ci, kä khäng htek ciah kyak ci nei.”

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

AMOS 8:14

Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 48:11

Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

SAM 123:4

Ng’bühmang ci gui ah yawshe nak la, chang ah ng’shei ci gui ah shedam nak kami awt cu sho aih ci nei.

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

JEREMIAH 2:3

Israel gui, kei bäng naw nangmi ka ning ka na gui ci; Nangmi cu theingcim ciah kei ah ka ah nami kyak ci. Kei naw nangmi ning natsak gui ciah chang nü ah khan ah, yai ca nak la leigai ka tui lawk khai, Kei, Bawipa naw ka pyen ci.

JEREMIAH 5:5

Kei naw huham mah ciah chang gui ah a i ak thäh, ami Bawipa naw a i ami bi vai angyak hlü cu, akcang ah hmat khai gui.” Cun ung phi ngami ami avan naw Bawipa ah huham cu hnungtuk püi u ne, ani ah ng’thu ngaih vai cu mak ci gui.

AMOS 9:10

Ka chang gui ah ng’lung ungka cheishoh ci gui phung cu ng’tuk nak ung ngawn gui vai — Cun ah chang gui cu ‘Khanpughi naw, a i leigai awn phi kä na et sak gui khai, cik ciah chang gui avan ah kyak khai’ ” cik ci.

MIKHAH 3:1

Ngai vä, nangmi Israel Uktu gui! Nangmi cu taga ciah bi nak nami hmat ciah kya lang ne,