AMOS 5:9 - Cho Bible Common Language 2016

⁹ Ani naw m’gäi ci gui la ami thamah nak gui m’di nak cu law püi ci.

AMOS 5:9 Referans Kwoze

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

MIKHAH 5:11

Na khaw ungka na mang gaw gui ka m’di khai, na ng’vong khaam avan ka m’shet khai.

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

2 GHANGPUGHANG GUI 13:25

Cun kawn ah Israel ghangpughang Jehoash naw Benhadad cu thum vei hnim ci, Jehoash ah pa Jehoahaz ah uk yah ung Benhadad naw a khäm gui ah mang gaw gui phi ani naw khäm ba ci.

2 GHANGPUGHANG GUI 13:17

Prophet ah m’shüm thei ah mäih ah, ghangpughang naw m’kawt hmawng ne, Siria täng ah mang khäta, Elisha naw, “M’la cu kap ä” cine k’bäi ci. Ghangpughang naw m’la a kah vai am, prophet naw pyen ne, “Nang cu Bawipa ah m’la nei, a cun awn ani naw Siria ah khan ah näng nak gah khai nei. Nang naw Sirian gui cu Aphek ung kä na hnim gui pha ah chuih na tu gui khai nei” ci nak ci.

ISAIAH 29:5

Jerusalem, nang ning tuk ci gui ah a khohei chang gui avan cu m’vut ah mäihah zong khai gui nei, kyih vai ah kyak ciah ami gakap gui cu htang gong chawng ah mäih ah zon gui khai nei. Ang ghitah, kä ngaih-tüh ah,

AMOS 2:14

Dawng ah gai ci gui phi kä phyawng khai gui, chang thamah gui phi ami ktha maih khai, gakap gui naw phi ami mät ah hnun gui kä hun hlawt khai gui.