Biblia Todo Logo
Bib sou entènèt

- Piblisite -




AMOS 5:8 - Cho Bible Common Language 2016

8 Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

Gade chapit la Kopi




AMOS 5:8
23 Referans Kwoze  

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.


Khanpughi naw Dipper aisi, Orion aisi, Pleiades aisi gui la hai lam täng aisi gui cu Khankho häi ung bat ci.


Bawipa naw Khankho ah a im co ci, khomdek khan cu khomik awn küm ci. Ani naw tuinu tui gui cu khü ne, khomdek khan ah yuk chah ci. Ani ah ming cu Bawipa nei!


Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.


Nang naw khomü cu na pyang ci, mü hmüp ung khisa gui cu avan lut lawk ci gui.


Khanpughi naw ziin ah mü nak cu cun ah kho ah yuk chah lawk ci, cun ung phi Egypt chang gui naw a ng’thumkhän kä ngai ci gui.


Ani naw sihnak ah a hmüp nak ung akdei cu tüi ci.


Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.


Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.


Chang mik m’dauh ah mäih ah mikmi cu m’thäp ne mihteit ci mikmi cu hnüüng ng’lung ung plai sei mi ng’taak ci mü hmüp ah mäih ah, hmüp ciah sih nak ah khaw ah mäih ah.


“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.


Nang naw kho ng’mei gui cu ng’thu k’bäi ne kho akyan ah na aa sak hning khai aw?


Khanpughi naw khomdek shawi khai ah kho k’aa cu a tüih ah kyak ci, Ani naw chang gui m’kyuk khai ah phi tüi hning ci, abä mang nak am dang nak ah phi tüi hning ci.


Cun ah kya sei, Bawipa naw pyen ci, “Hnü ät awn avan geah changpakhui gui am kei ah m’gäi nak la huham cu ka hmat sak gui khai; ngami naw kei Bawipa ah ka kyak cu hmat khai gui.


Bawipa, khomdek pyang ci, m’hnüm neta a hmun ung k’süm ci naw na ng’thu püi ci. Bawipa ming nak ci naw pyen ci,


Swiv nou:

Piblisite


Piblisite