AMOS 5:6 - Cho Bible Common Language 2016

⁶ Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

AMOS 5:6 Referans Kwoze

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

AMOS 5:14

Ngaih na ne akni nak bi vai, akshe kä nami bi vai, cun ung nami ghing khai. Nami pyen nak ah mäih ah Bawipa Khanpughi naw akcang ah ning om püi gui khai.

AMOS 5:4

Bawipa naw Israel chang gui am, “Kei ah law vä, nami ghing khai.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

EZEKIEL 37:19

na m’thein gui vai, kei, uktu Bawipa naw ka lak ah singtawn cu Israel ah kya ne, ka m’khah nak ah ka lak ah singtawn cu Judah ah kyak ci. Cun goi hnih cu kei naw tumat ah pyang ne, ka kut ungka kawt ci.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

1 GHANGPUGHANG GUI 11:28

Jeroboam cu changnak ciah chang nong ah kyak ci, ani naw tha na ne a bilaw cu Solomon naw hmu neta, Ephraim la Manasseh pakhui khawpäng ung ami chang ghüh gui avan uk khai ah tha ci.

2 SAMUEL 19:20

Bawi aw, kei ka hma ciah ka hmat ci nei, Tuh ngawi, ka bawi mang, a siip lam pakhui ungka ak htük bäih ah nang ning hmu lawk ci cu, kei ah kyak ci nei” cik ci.

JOSHUA 18:5

Khaw cu ngami ami van am chih ah k’pai gui vai. Judah cu a htüm täng amät ah khawpäng ung om khai, Joseph cu a siiptäng amät ah kgawpäng ung om khai.

THULÄÄN NAK 4:24

A i ah kyasei ci ung Bawipa nami Khanpughi cu mei däi ah mäih ah kyak ci, ani cu a u naw phi ng’länna püi ne kä gah ci.

PHYAWN NAK 22:6

“Chang tumat naw amät ah khaw ung tün ne mei am khih ung, cun ah mei cu chang ah khaw khu chawng ung pek ne, geit gui ui ne, m’khih ne, m’kiawm ne a kyak ung, mei m’khih htük ci naw shum ci avan cu am thung vai.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

2 SHONTÄP NAK 34:25

Ngami naw kei cu na hnungtuk püi u ne khawihnah gui cu a hei khanpughi gui am douthak ci gui. Cun ah kya ne ami bi lawh gui avan awn kei cu na m’lungshe sak ci gui. Kei ah m’lungshe nak cu tho ne Jerusalem cu hnungtuk püi ci, cun cu kä dim khai nei.

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.