AMOS 5:5 - Cho Bible Common Language 2016

⁵ Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”

AMOS 5:5 Referans Kwoze

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

AMOS 8:14

Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”

AMOS 4:4

Uktu BAWIPA naw, “Israel chang gui, Bethela khaw theingciim ciah hmun ah hteit ne, shetkat nak bi vä! Kikal ah hteit ne shetkat nak bi pi k’hteh vä! Ma ne hteit ne khawihnah nak vai ah seime cu a ngawi tä sei law püi vä, a hnüüp thum päng ung nami bum gha bum ät cu law püi vä.

ATÜNNAK 21:33

Abraham naw Beerasheba ah mangken geit neta, angtäi ghing ciah Bawipa Khanpughi cu khawihnah ci.

THU PHLAAN 18:17

A khawh chaam avan cu nayi ät ah kyong ung dishum yawp ci nei” ci ne kyap ne m’lau khai gui nei. Hteinpaw keptain gui la hteinpaw ung ng’cum tuk ci gui, hteinpaw ung bi bik ci gui la sumlei ci gui cu a sho nak ah ng’düi u ne;

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

1 KORIN 1:28

Khanpughi naw khomdek khan ung chang naw bä ciah ang ngaih gui m’shet nak vai ah, chang ah yaw k’she nak, chang ah päipih gui cu ghü gui ci.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

ISAIAH 29:20

Cun cu a chang paw yawshe nak ci gui la khawpughi kä chang m’sui ci gui ah ng’pyi nak ah kyak khai katnak bik ci phung cu m’di khai.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

SAM 33:10

Bawipa naw changpakhui gui ah tängpang cu haih ci; ami pawng püi gui phi m’hlat yawp ci.

JOB 8:22

Cun ung phi nangmi ning thüi na gui ciah khan ah lü ng’aa nak law püi khai, chang omshe gui ah im gui cu maih khai gui nei.

1 SAMUEL 11:14

Saul naw ngami am, “Gilgal ah mi van mi hteit khai nei, Saul cu mi ghangpughang ah mi ng’shäu ba mä khai nei,” cik ci.

1 SAMUEL 7:16

Akum tä sei Bethela, Gilgal la Mizpah gui cu m’hleh ci, cun ah hmun gui ung ng’cuh can nak avan cu dim sak ci.

THULÄÄN NAK 28:41

Nangmi ung hta pami, hta hnumi om khai. Cun ung phi nangmi ung kä om khai gui, a i ah kyasei ci ung ngami cu ng’tuk nak ung hteh püi ne thawng ung chum gui khai gui,

ATÜNNAK 21:31

Cun ah hmun cu ngani ah ani ng’phyun nak ah kyasei, Beerasheba ah pyen ci gui.

1 SAMUEL 8:2

Ang vai ba cu Joel ah kya ne, ak hmaw ba cu Abijah ah kyak ci; ngami cu Beersheba ung suki ah kyak ci gui.

1 GHANGPUGHANG GUI 12:28

Cun ah ang ngaih-tüh kawn ah, ani naw vantang-gup hnih cu ghui awn pyang neta, a chang gui cu pyen na gui ci, “Nangmi cu Jerusalem ah khawihnah vai ah nami hteh nak shou law pyi ci. Israel chang gui, shin goi cu nangmi Egypt khaw ah ka ning law püi ba gui ciah nami Khanpughi goi ne! cik ci.

1 GHANGPUGHANG GUI 12:29

Ani naw vantang-ghui gup tumat cu Bethela ung tha ne, a hei tumat cu Dan ung tha ci.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

AMOS 7:13

Shin ah Bethela ung kä na ng’cängbang ba vai nei. Shin cu ghangpughang ah khawihnah nak hmun, pakhui k’tung ah Taigüim ah kyak ci nei” cik ci.

ATÜNNAK 26:23

Isaak cu cun ungka naw Beersheba ah ng’plon ba ci.

ATÜNNAK 26:33

Ani naw tuishawk cu “Shibah” ah sui ci. Cun ah kyasei gawnu ah ming phi Beerasheba ah ami sui ah kyak ci.

JOSHUA 5:9

Bawipa naw Joshua a pyen nak cu, “Egypt ah changshäm ah kya ne nami thüi nak ungka, tuhngawi kei naw ka ning ng’nawn sak gui ci.” Cun ah kyasei cun ah hmun cu Kilkal ah ami sui ah kyak ci, cun cu tuh güt om ci.

2 GHANGPUGHANG GUI 23:8

Judah khaw ung mang gaw gui ungka taigü gui cu ani naw Jerusalem ah hteh püi gui ne, khopäng avan ung ngami naw khawihnah nak ami douthak nak ah sonkiang gui cu shetsham sak ci. Mang gaw uktu Joshua naw m’kawt pei ung a cawh ah me-m’cha gui vawih peh nak ah sonkiang phi ani naw gäi ci, cun cu mang gaw ung luh nak ah m’kawt nuktung ah ak-eng täng ah om ci.

JEREMIAH 48:13

Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

AMOS 1:5

Damaskas ah mang gaw m’kawt cu ka dep khai. Aven khaw nawi ung om ci gui la Betheden uktu gui cu ka m’hnawn gui khai. Siria chang gui cu Kira khaw ung thawng kyum ah kyak khai gui ah ka hteh püi gui khai.

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.