AMOS 5:4 - Cho Bible Common Language 2016

⁴ Bawipa naw Israel chang gui am, “Kei ah law vä, nami ghing khai.

AMOS 5:4 Referans Kwoze

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

SAM 14:2

Bawipa naw Khankho ah om ne, Cüivai ciah chang la ani khawihnah ciah chang a om la kä a om cu hniciim chang gui ung yuk teng gui ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

MATTHE 7:8

Ng’yoi ci naw gah ci, shui ci naw hmuk ci, kshoh khäk ci phi hmawn pek ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

SAM 69:32

Ami shedam nak gui naw cun cu ami hmuh ung yei khai gui; Khanpughi khawihnah ci gui cu ami thagui be khai nei.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

SAM 22:26

Dukhaih ci gui naw ami phü ah ei khai gui; Bawipa ah lawk ci gui naw ani cu m’taam khai gui. Ngami cu angtäi sei bühmang u sä!

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

THULÄÄN NAK 4:29

Acu ah nangmi naw Bawipa nami Khanpughi cu nami shui khai, nami m’lung kyong avan awn nami shui ung nami hmuk khai nei.

THULÄÄN NAK 32:46

a pyen cu, “Tuhngawi kei naw ka ning pek gui ah thumkhän avan nami läk vai cimvai vä. Nami hta nau gui am m’dou ne pe gui vä. Cun ung ngami naw Khanpughi ah m’theithang gui avan cu bekhüt ne läk khai gui nei.

THULÄÄN NAK 32:47

Shin ah m’theithang gui cu ng’thu a ghawng ah kä kyak ci, cun gui cu nangmi ah ghin nak akcang ah kyak ci. Nami läk vai, cun ung nangmi cu Jordan tuinu kat ne nami khäm law vai ah khaw ung akshou ghing ne nami om khai.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

EZEKIEL 18:9

Chang tumat cu kei ah thumkhan gui läk ne, kei ah thukhän gui geing na ne k’paang ciah a kyak ung; Ani cu ng’düng ci, ani cu ghing khai,” Uktu Bawipa naw a pyen nei.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

2 SHONTÄP NAK 20:4

Judah khaw mang gaw päng ungka chang gui cu Bawipa ah lam shüm nak ng’yoi thäh khai gui ah ang ghit ah Jerusalem ah gawk lawk ci gui.

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’