AMOS 5:27 - Cho Bible Common Language 2016

²⁷ Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

AMOS 5:27 Referans Kwoze

LAMKTU 7:43

Nangmi naw nami m’kawn law gui cu, Molech ah ng’yo kiang lah nami aisi pughi Rephan ah kyak ci nei; Cun gui cu nami khawihnah vai ah nami mät naw nami pyan ah a gup gui ah kyak ci. Cun ah kyasei nangmi cu Babilon phlän neh nami hteit khai ah ka ning k’täm gui khai” ciah kyak ci.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

JEREMIAH 38:17

Cun kawn ah kei naw Zedekiah am ka m’thein cu, M’gäi ciah Bawipa, Israel Khanpughi naw pyen ci, “Nang cu Babilonian ghangpughang ah bawi gui ah ma ah na kut na chah ah a kyak ung, nang cu na ghing khai, shin ah mang gaw phi mei awn kä m’khih khai gui. Nang la na kyongchang avan nami ghing khai.

AMOS 5:26

Cun ung phi tuhbäi nangmi naw nami ghangpughang khanpughi Sakkuth ah gup la Kaiwan, nami aisi khanpughi cu nami khawihnah ci. Acun ah gup gui cu nangmi naw nami m’kawn khai.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

1 GHANGPUGHANG GUI 14:15

Bawipa naw Israel cu m’kyuk khai, ani cu tuihta naw a pheet ah phai phung ah mäih ah ng’tum khai. Ani naw Israel chang gui cu ami pupa gui am a peit ah shin ah khaw k’ni ungka mawi gui khai, Euphratis tuinu ah hei ga ah püipiang sak gui khai. A i ah kyasei ci ung ngami naw khanpughinu Asherah ah a gup pyang ne, ani ami m’lungshe sak ah hmawk ah kyak ci.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

AMOS 6:7

Cun ah kyasei nang cu omktu ah na hteit ma khai. Na mang pawi la na ng’huutcam nak cu ng’pyi khai.