25 “Israel chang gui, kei naw bungpuk ung ka ning law püi ba gui yah ung, kum phlikip ah kyong ung, khawihnah nak la douthak nak cu kä ka ning thäh gui ci.
Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.
Ngami naw vantang ah a gup cu lawi ne pyang u neta, Egypt ah ka na law püi ba gui ciah Khanpughi nei cik ci gui. Bawipa, nang cu anghtei ah ning shetkat nak ci gui nei!
Israel chang gui cu kä bekhüt ne, kä ami kyak en ba vai bung pya ah khogam khawihnah nak ah seima kä ami ngawn en ba vai. Israel chang gui naw shin ah thungyo lawk ciah akhin avan ung ami pan khek vai.
Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.
Cun ah a i ah kyasei ka bi ci ung, ngami naw ka thumkhän gui hnu na u ne, ka thukhän gui m’shet u ne, kyiin hnüüp cu a i ah kä ngai u ne, ami pupa gui naw ami khawihnah man ah acun ah agup gui bä ami khawihnah ah phäh ah kyak ci.
Kei naw cun ah shaitak ka bi cu, ngami naw ka thumkhän gui hnu na u ne, ka thukhän gui m’shet u ne, kyin hnüüp cu a i ah kä sui u ne — ami gup gui khawihnah vai ah ami yum pi ah phäh ah kyak ci.