AMOS 5:18 - Cho Bible Common Language 2016

¹⁸ Bawipa ah hnüüp ngäng ciah nangmi ah phäh ah a i hlawk ah khüikha vai kyak khai aw! Cun ah hnüüp ung akni a i nami bik khai aw? Cun ah hnüüp cu nangmi ah phäh ah hmüp khui ah kyak khai, akdei ah kä kyak khai.

AMOS 5:18 Referans Kwoze

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

2 PETER 3:4

“Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

EZEKIEL 12:27

“Hnicim Chang, nang ah muimang la cängbang nak gui cu Israel Chang gui naw ngami pui nu ah ka vai cine ngai ci gui nei.

EZEKIEL 12:22

Ani naw pyen ci, “Hnicim Chang, a i ah kyasei Israel chang gui naw Shin ah ng’thu thuuk cu ami pyen ba laih laih ang: ‘Akhin cu ng’pyi ci, ng’cängbang cu kä phung ci?

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

JEREMIAH 17:15

Chang gui naw na pyen nak cu gui, “Bawipa naw hnungtuk ne ana ng’li ng’pyaan nak gui cu a hawi ang? Tuhbäi cun gui cu bi law cang sä!”

THULÄÄN NAK 32:24

Ngami cu ei ah cawi ne gaw ne sik khai gui, Ngami cu kyih vai ah natnak gui awn sik khai gui. Ngami tu gui khai ah kei naw khisa gui ka tüi khai. Am äm mah ah phyu naw k’dawk gui khai.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

OBADIAH 1:15

“Kei, Bawipa naw pakhui avan ka m’khoicha nak vai ah a khin cu ng’et lawk ci nei. Edom, na bi gui phung cu nang ah khan ah bi ba vai nei. Na pek ah mäih ah na gah ba khai nei.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.