AMOS 5:14 - Cho Bible Common Language 2016

¹⁴ Ngaih na ne akni nak bi vai, akshe kä nami bi vai, cun ung nami ghing khai. Nami pyen nak ah mäih ah Bawipa Khanpughi naw akcang ah ning om püi gui khai.

AMOS 5:14 Referans Kwoze

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

AMOS 3:3

Chang hnih cu kä ani ng’ge ung atäng ah ng’gui ne hteit man ni ne ang?

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

NG'THU K'THUUK~ 11:27

Na ng’bü nak ani ung chang naw ning chang m’sui khai, Cun ung phi yaica nak na shui läi ung, acun na gah khai.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

KHEI NAK 16:3

Ngami naw Moses la Aaron ah ma ah ng’bum law u neta, ami pyen cu, “Nangni akshou nu ah nani hteit pyi ci. Bawipa naw chang bum ung chang avan khäm ci. Bawipa cu ami van awn a täng ah om ci. A i ah kyasei Moses aw, Bawipa ah chang bum ah khan ah na mät na ng’düih hnga ang?”

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

ATÜNNAK 39:23

Thawng bawi naw a i a bi ba vai kä hlü khai ah Joseph naw bik ci. Joseph cu Bawipa naw m’htei sei a bi nak päng ung m’khüt näng nak om ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.